ଜନ୍ମଭୂମି ପ୍ରତି ନୀବିଡ଼ ମମତା ହିଁ ଅସଲି ଦେଶପ୍ରେମ । ଦେଶର ଓ ଦେଶର ଉନ୍ନତି ଆଗରେ ଧନସମ୍ପତିର ମୋହର ବା ମୂଲ୍ୟ କେତେ ? ଏମିତି ଜଣେ ମହାନ୍ ମଣିଷ ହେଲେ ଆଇପିଏସ୍ ଅଧିକାରୀ ସନ୍ତୋଷ ମିଶ୍ର । ବିଦେଶୀ ମିଳିଥିବା ୫୦ ଲକ୍ଷ ଟଙ୍କା ପ୍ୟାକେଜର ଚାକିରି ଛାଡି ସେ ପୋଲିସ୍ ସେବାରେ ଯୋଗ ଦେଇଛନ୍ତି । ଟୋକିଓ ଅଲିମ୍ପିକ୍ସରେ କୁସ୍ତିରେ ବ୍ରୋଞ୍ଜ ପଦକ ଜିତିଥିବା ରେସଲର ବଜରଙ୍ଗ ପୁନିଆ ତାଙ୍କ ଅଫିସିଆଲ୍ ଟ୍ୱିଟର ଆକାଉଣ୍ଟରେ ଏହି ଆଇପିଏସ୍ ଅଧିକାରୀଙ୍କ ଫଟୋ ସେୟାର କରିଛନ୍ତି । ଏହା ସହିତ ତାଙ୍କର ଭୁରି ଭୁରି ପ୍ରଶଂସା କରିଛନ୍ତି ।
ବଜରଙ୍ଗ ପୁନିଆ ତାଙ୍କ ପୋଷ୍ଟରେ ଆଇପିଏସ୍ ଅଧିକାରୀଙ୍କ ଦୁଇଟି ଫଟୋ ସେୟାର କରିଛନ୍ତି । ଯେଉଁଥିରେ ଆଇପିଏସ୍ ଅଧିକାରୀ ଜଣକ ସରକାରୀ ବିଦ୍ୟାଳୟର ପିଲାମାନଙ୍କୁ ଶିକ୍ଷାଦାନ କରୁଥିବା ଦେଖିବାକୁ ମିଳୁଛି । ଅଫିସ୍ କାମ ସାରିବା ପରେ ଅବଶିଷ୍ଟ ସମୟରେ ଆଇପିଏସ୍ ସନ୍ତୋଷ ମିଶ୍ର ଗରିବ, ଅସହାୟ ଏବଂ ଆର୍ଥିକ ଦୁର୍ବଳ ପିଲାମାନଙ୍କୁ ଶିକ୍ଷାଦାନ କରି ସମୟ ଅତିବାହିତ କରନ୍ତି ।
ଦିନ ଥିଲା ସେ ଆମେରିକାର ନ୍ୟୁୟର୍କ ସିଟିରେ ମାସିକ ୫୦ ଲକ୍ଷ ଟଙ୍କା ବେତନରେ ଚାକିରି କରୁଥିଲେ । ହେଲେ ଟଙ୍କାର ମୋହ କିମ୍ବାର ବିଦେଶର ଚାକଚକ୍ୟ ଭରା ଜୀବନ ତାଙ୍କୁ ବାନ୍ଧି ପାରିନଥିଲା । ଦେଶ ବାହାରକୁ ଚାକିରି ପାଇଁ ଯାଇଥିଲେ ସତ, ମନ ସବୁବେଳେ ଦେଶ ଆଡ଼କୁ ଟାଣୁଥିଲା । ଭାରତକୁ ଫେରି ଆସିବାକୁ ସେ ଛାଟିପିଟି ହେଉଥିଲେ । ଶେଷରେ ସେ ଭାରତ ଫେରିଆସିଥିଲେ ।
ସନ୍ତୋଷ ମିଶ୍ର ବର୍ତ୍ତମାନ ଉତ୍ତରପ୍ରଦେଶର ଗୋଣ୍ଡା ଜିଲ୍ଲାରେ ଏସପି ଭାବରେ କାର୍ଯ୍ୟ କରୁଛନ୍ତି । ସେ ଟ୍ୱିଟରରେ ବହୁତ ଲୋକପ୍ରିୟ । ବିହାର ନିବାସୀ ସନ୍ତୋଷ ମିଶ୍ର ଜଣେ ୨୦୧୩ ବ୍ୟାଚ୍ ଆଇପିଏସ୍ ଅଧିକାରୀ । ୨୦୧୧ ମସିହାରେ ସେ ଆମେରିକାର ସଫ୍ଟୱେୟାର ଇଞ୍ଜିନିୟର ଚାକିରି ଛାଡିଥିଲେ । ସେତେବେଳେ ଆମେରିକାରେ ତାଙ୍କର ଦରମା ୫୦ ଲକ୍ଷ ଟଙ୍କା ଥିଲା । ଚାକିରି ଛାଡ଼ି ସେ ସିଭିଲ ସର୍ଭିସ ପାଇଁ ପ୍ରସ୍ତୁତ ହୋଇଥିଲେ ଏବଂ ପ୍ରଥମ ପ୍ରୟାସରେ ଦେଶର ସବୁଠୁ ବଡ ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ଆଇପିଏସ୍ ଅଧିକାରୀ ହୋଇଥିଲେ ।
ପାଟନା ଜିଲ୍ଲାର ଜଣେ ଅବସରପ୍ରାପ୍ତ ସେନା ଅଧିକାରୀ ପୁଅ ସନ୍ତୋଷ ମିଶ୍ର । ପିଲାବେଳୁ ସେ ବେଶ୍ ମେଧାବୀ ଥିଲେ । ବିହାର ସ୍କୁଲରୁ ଦଶମ ଏବଂ ଦ୍ୱାଦଶ ପାସ କରିବା ପରେ ସେ ପୁଣେ ବିଶ୍ୱବିଦ୍ୟାଳୟରୁ ମେକାନିକାଲ ଇଞ୍ଜିନିୟରିଂରେ ଡିଗ୍ରୀ ହାସଲ କରିଥିଲେ । ଏହା ପରେ ସେ ୟୁରୋପର ଏକ କମ୍ପାନୀରେ ଚାକିରି ପାଇଁ ମନୋନୀତ ହୋଇଥିଲେ । ୟୁରୋପରେ ୪ ବର୍ଷ କାମ କରିବା ପରେ ସେ ଆମେରିକା ଯାଇଥିଲେ । ସେଠାରେ ସାତ ବର୍ଷ କାମ କରିବା ପରେ ସେ ଭାରତ ଫେରି ଆସିଥିଲେ । ମନ ସବୁବେଳେ ଦେଶ ସେବା ପାଇଁ ଡାକୁଥିଲା, ତେଣୁ ସେ ବାର୍ଷିକ ୫୦ଲକ୍ଷର ପ୍ୟାକେଜ୍ ଚାକିରି ଛାଡ଼ି ଦେଇଥିଲେ ।