ଯୁଦ୍ଧ ବିଭୀଷିକାରେ ୪ ହଜାର ପଶୁପକ୍ଷୀଙ୍କ ପାଇଁ ଖାଦ୍ୟ ସଂକଟ

କିଏ ଲଢୁଛି, କିଏ ମରୁଛି। ଋଷ୍‌-ୟୁକ୍ରେନ୍‌ ମଧ୍ୟରେ ଆରମ୍ଭ ହୋଇଥିବା ଯୁଦ୍ଧରେ ଏହା ପ୍ରମାଣିତ ହୋଇଛି। ଦୁଇ ନେତା ଏକାଠି ପରିସ୍ଥିତିକୁ ସମ୍ଭାଳି ପାରି ନଥିବା ଏହାର ପରିଣାମ କେବଳ ଯେ ନିରୀହ ଲୋକଙ୍କୁ ଭୋଗିବାକୁ ପଡିଛି ତାହା ନୁହେଁ, ବରଂ ପଶିପକ୍ଷୀମାନେ ବି ଏହାର ଶୀକାର ହେଉଛନ୍ତି।

କ୍ରମାଗତ ଭାବେ ଗୁଳି ବିନିମୟରେ ପଶୁମାନଙ୍କ ପାଇଁ ଖାଦ୍ୟର ବ୍ୟବସ୍ଥାରେ ଅସୁବିଧା ଦେଖାଦେଇଛି। ତଥାପି, ଏଠାରେ ଥିବା କର୍ମଚାରୀମାନେ ସେମାନଙ୍କ ପାଇଁ ଆବଶ୍ୟକ ସମସ୍ତ ଜିନିଷ ସଂଗ୍ରହ କରିବାକୁ କଠିନ ପରିଶ୍ରମ କରୁଛନ୍ତି। ପୂର୍ବରୁ ଗଚ୍ଛିତ ଖାଦ୍ୟ ଏବେ ସରି ସରି ଆସୁଛି। ଏଭଳି ପରିସ୍ଥିତିରେ ସଙ୍କଟ ହେଉଛି ଏହି ନିରୀହ ପଶୁପକ୍ଷୀ କ’ଣ ଖାଇବେ ଏବଂ ସେମାନେ କିପରି ବଞ୍ଚିବେ।

ପ୍ରାଣୀ ଉଦ୍ୟାନର ନିର୍ଦ୍ଦେଶକ କା‍ଇରିଲୋ ଟ୍ରେଣ୍ଟିନଙ୍କ ଅନୁଯାୟୀ, ପ୍ରାଣୀ ଉଦ୍ୟାନରେ ପ୍ରାୟ ୪,୦୦୦ ପ୍ରାଣୀ ଅଛନ୍ତି। ଯୁଦ୍ଧ ଆରମ୍ଭ ହେବାର ଦୁଇ ସପ୍ତାହ ପୂର୍ବରୁ ସେମାନଙ୍କ ପାଇଁ ଖାଦ୍ୟ ସଂଗ୍ରହ କରାଯାଇଥିଲା। କିନ୍ତୁ ବର୍ତ୍ତମାନ ଯୁଦ୍ଧର ୩ ସପ୍ତାହ ବିତିଗଲାଣି, ଏଭଳି ପରିସ୍ଥିତିରେ ପଶୁମାନଙ୍କ ପାଇଁ ଆଉ ମାତ୍ର କେଇଟା ଦିନର ଖାଦ୍ୟ ବାକି ଅଛି।

ବର୍ତ୍ତମାନ ସଙ୍କଟ ହେଉଛି ଯଦି ପରିସ୍ଥିତି ଏହିପରି ଜାରିରହେ ତେବେ ପରେ କ’ଣ ହେବ? ଏହାକୁ ନେଇ ପ୍ରାଣୀ ଉଦ୍ୟାନ ଚିନ୍ତାରେ ଅଛି।

ପଶୁମାନଙ୍କ ସୁରକ୍ଷା ପାଇଁ, ବେସ୍‌ମେଣ୍ଟକୁ ଆକ୍ୱାରିୟମ୍ ତିଆରି କରି ବୋମା ଆଶ୍ରୟସ୍ଥଳୀ ଭାବରେ ବ୍ୟବହାର କରାଯାଉଛି। ଯେଉଁଠାରେ ପଶୁମାନଙ୍କ ସହିତ ପ୍ରାଣୀ ଉଦ୍ୟାନର କର୍ମଚାରୀମାନେ ମଧ୍ୟ ସେମାନଙ୍କ ପରିବାର ସହିତ ରହୁଛନ୍ତି। ପ୍ରତିଦିନ ବହୁ ସଂଖ୍ୟାରେ ଲୋକେ ପ୍ରାଣୀ ଉଦ୍ୟାନ ପରିଦର୍ଶନ କରୁଥିଲା, ଯେଉଁଥିପାଇଁ ମଣିଷ ଏବଂ ପଶୁପକ୍ଷୀମାନେ ମୁହାଁମୁହିଁ ହେଉଥିଲେ। କିନ୍ତୁ ବର୍ତ୍ତମାନ ପଶୁପକ୍ଷୀମାନେ ମଣିଷକୁ ଦେଖିବାରେ ଅସମର୍ଥ ହେତୁ ବହୁତ ଦୁଃଖୀ ଜୀବନ ଜୀ‍ଇବା ଆରମ୍ଭ କରିଛନ୍ତି।

ତେଣୁ ପ୍ରାଣୀ ଉଦ୍ୟାନର କର୍ମଚାରୀମାନେ ନିଷ୍ପତ୍ତି ନେଇଛନ୍ତି ଯେ ବର୍ତ୍ତମାନ ସେମାନଙ୍କୁ ଫିଲ୍ମ ଦେଖାଇବେ। ଏହା ଦ୍ୱାରା ହୁଏତ ପ୍ରକୃତ ବ୍ୟକ୍ତି ସାମ୍ନାକୁ ଆସି ନ ପାରନ୍ତି, କିନ୍ତୁ ଅନ୍ତତଃ ପକ୍ଷେ ସେମାନଙ୍କୁ ଏମିତି କିଛି ଦେଖାଯିବ ଯାହା ଦ୍ୱାରା ସେମାନେ ଯେକୌଣସି ଉପାୟରେ ମଣିଷକୁ ଦେଖିପାରିବେ। ଯୁଦ୍ଧକୁ ଦୃଷ୍ଟିରେ ରଖି ପଶୁମାନେ ମଧ୍ୟ ବନ୍ଦୀହୋଇ ରହିଛନ୍ତି। ପ୍ରାଣୀ ଉଦ୍ୟାନ ବନ୍ଦ ଅଛି, ତେଣୁ କେହି ଆସିପାରୁ ନାହାନ୍ତି।