ବେକ ଯନ୍ତ୍ରଣାରୁ କେମିତି ମିଳିବ ମୁକ୍ତି, ଜାଣନ୍ତୁ କିଛି ଉପଚାର...

ଆଜିକାଲି ବେକ ଯନ୍ତ୍ରଣା ଏକ ସାଧାରଣ ସମସ୍ୟା ହୋଇଗଲାଣି। ବିଶେଷ କରି ଯେଉଁମାନେ କଂପ୍ୟୁଟର ସାମ୍ନାରେ ଦୀର୍ଘ ସମୟ କାମ କରୁଛନ୍ତି ସେମାନେ ଏହି ଯନ୍ତ୍ରଣାର ଶିକାର ହୁଅନ୍ତି। ତେବେ କ’ଣ କଲେ ଏଥିରୁ ମୁକ୍ତି ମିଳିବ, ଜାଣିବା କିଛି ଉପଚାର।

ବେକ ଯନ୍ତ୍ରଣାର ଅନେକ କାରଣ ଥାଇପାରେ, ଯେପରିକି ଭୁଲ ସ୍ଥିତିରେ ବସିବା କିମ୍ବା ଠିଆ ହେବା। କମ୍ପ୍ୟୁଟର କିମ୍ବା ମୋବାଇଲ୍ ବ୍ୟବହାର କରିବା ସମୟରେ ବେକକୁ ଦୀର୍ଘ ସମୟ ଧରି ବଙ୍କା କରି ରଖନ୍ତୁ ନାହିଁ। ସିଧା ବସିବାକୁ ଚେଷ୍ଟା କରନ୍ତୁ।

ଚାପ ଏବଂ ଚିନ୍ତା ମଧ୍ୟ ବେକ ଯନ୍ତ୍ରଣାର କାରଣ ହୋଇଥାଏ। ମାଂସପେଶୀ ଯନ୍ତ୍ରଣା, ଆଘାତ, କିମ୍ବା ହର୍ନିଏଟେଡ୍ ଡିସ୍କ ଏବଂ ଆଭ୍ୟନ୍ତରୀଣ ରୋଗ ମଧ୍ୟ ବେକରେ ଯନ୍ତ୍ରଣା ଦେଇପାରେ। ତେବେ ଚିନ୍ତାମୁକ୍ତ ରହିଲେ ଆରାମ୍ ମିଳେ।

କାନ୍ଧ ଏବଂ ବେକ ଯନ୍ତ୍ରଣା ଦୂର କରିବାରେ ନେକ୍ ରିଲିଜ୍ ବ୍ୟାୟାମ ଅତ୍ୟନ୍ତ ଲାଭଦାୟକ ହୋଇଥାଏ। ଏଥିପାଇଁ ଏକ ସମତଳ ଜାଗାରେ ଏକ କାର୍ପେଟ୍‌ କିମ୍ବା ମ୍ୟାଟ୍ ପକାଇ ଧ୍ୟାନରେ ବସନ୍ତୁ। ବର୍ତ୍ତମାନ ବାମ ହାତକୁ ମୁଣ୍ଡ ଉପରେ ରଖନ୍ତୁ ଏବଂ ବେକକୁ ଡାହାଣ ପାର୍ଶ୍ୱକୁ କରନ୍ତୁ। କିଛି ସମୟ ପାଇଁ ଏହି ଅବସ୍ଥାରେ ରୁହନ୍ତୁ। ଏହା ପରେ, ଡାହାଣ ହାତକୁ ମୁଣ୍ଡରେ ରଖନ୍ତୁ ଏବଂ ବେକକୁ ବାମ ପାର୍ଶ୍ୱକୁ କରନ୍ତୁ। ଏହାକୁ ପୁନରାବୃତ୍ତି କରନ୍ତୁ। ଏହା ପରେ ବେକକୁ ଛାତି ଆଡକୁ ବଙ୍କା କରନ୍ତୁ। ଏହି ଅବସ୍ଥାରେ ମଧ୍ୟ କିଛି ମୁହୂର୍ତ୍ତ ପାଇଁ ରୁହନ୍ତୁ। ତା’ପରେ ବେକକୁ ଉପରକୁ ଉଠାନ୍ତୁ। ଏହା କରିବା ଦ୍ୱାରା କାନ୍ଧ ଏବଂ ବେକ ଯନ୍ତ୍ରଣାରୁ ଶୀଘ୍ର ମୁକ୍ତି ମିଳିଥାଏ।

ଏହି ଆସନ କରିବା ଦ୍ୱାରା କାନ୍ଧ ଏବଂ ବେକ ଯନ୍ତ୍ରଣାରୁ ମୁକ୍ତି ମିଳିଥାଏ। ତିନୋଟି ପ୍ରକାରର ବୀରଭଦ୍ରାସନ ଅଛି। ଏହି ଆସନ ମଧ୍ୟରୁ ପ୍ରଥମଟି କରିବା ଦ୍ୱାରା କାନ୍ଧ ଏବଂ ବେକ ଯନ୍ତ୍ରଣାରୁ ମୁକ୍ତି ମିଳିଥାଏ। ଏଥିପାଇଁ ସର୍ବପ୍ରଥମେ ତାଡାସନ ସ୍ଥିତିକୁ ଆସନ୍ତୁ। ବର୍ତ୍ତମାନ ଦୁଇ ହାତକୁ ଉପରକୁ ଉଠାନ୍ତୁ। ଧ୍ୟାନ ହାତରେ ରଖନ୍ତୁ। ଏହା ପରେ ଡାହାଣ ପାଦକୁ ଆଗକୁ ବଢାନ୍ତୁ। ଡାହାଣ ଆଣ୍ଠୁ ଭାଙ୍ଗି ଏହି ଅବସ୍ଥାରେ କିଛି ସମୟ ରୁହନ୍ତୁ। ଏହା ପରେ ପ୍ରଥମ ସ୍ଥିତିକୁ ଫେରି ଆସନ୍ତୁ।

ଏହି ଆସନରେ ଶରୀରର ଆକୃତି ଧନୁ ପରି ହୋଇଯାଏ। ଏଥିପାଇଁ ମ୍ୟାଟ୍ ଉପରେ ପେଟ ଦେଇ ଶୋଇଯାଆନ୍ତୁ। ତା’ପରେ ଆଣ୍ଠୁକୁ ବଙ୍କା କରନ୍ତୁ ଏବଂ ବଳାଗଣ୍ଠି ପାଖରୁ ନିଜ ହାତରେ ଧରି ରଖନ୍ତୁ। ଏହି ଅବସ୍ଥାରେ ଅଣ୍ଟା, ଜଙ୍ଘ ଏବଂ ଛାତି ଉପରକୁ ଉଠାନ୍ତୁ। ଏହି ସ୍ଥିତିକୁ ଆସି ଧୀରେ ଧୀରେ ଶ୍ୱାସ ନିଅନ୍ତୁ ଏବଂ ଛାଡନ୍ତୁ। ଧନୁରାସନ କରିବା ଦ୍ୱାରା କାନ୍ଧ ଏବଂ ବେକ ଯନ୍ତ୍ରଣାରୁ ମୁକ୍ତି ମିଳିଥାଏ।

ଏହି ଆସନ ବେକ ଏବଂ ମେରୁଦଣ୍ଡର ନମନୀୟତାକୁ ବଢାଇଥାଏ ଏବଂ ମାଂସପେଶୀ ଚାପକୁ ହ୍ରାସ କରିଥାଏ। ମାର୍ଜାରୀ ଆସନ କରିବାକୁ ହେଲେ ପ୍ରଥମେ ଆଣ୍ଠେଇକୁ ରୁହନ୍ତୁ। ଏହାପରେ ପାପୁଲି ଭୂମିରେ ରଖି ଶ୍ୱାସ ଛାଡି ପିଠିକୁ ବଙ୍କା କରନ୍ତୁ। ପିଠି ଉପରକୁ ଉପରକୁ ଉଠାଯିବା ଉଚିତ ଏବଂ ମୁଣ୍ଡ ତଳକୁ କରନ୍ତୁ। କିଛି ସମୟ ଏହିପରି ଅବସ୍ଥାରେ ରହିବା ପରେ ଶ୍ୱାସ ନେଇ ମୁଣ୍ଡକୁ ଉପରକୁ ଉଠାଇ ଅଣ୍ଟାକୁ ତଳକୁ ଭିଡନ୍ତୁ। କିଛି ସମୟ ରଖନ୍ତୁ ଓ ମୂଳ ଅବସ୍ଥାକୁ ଆସନ୍ତୁ।

ଏଭଳି କ୍ଷେତ୍ରରେ ନିୟମିତ ଭାବରେ ବାଳାସନ ଅଭ୍ୟାସ କରନ୍ତୁ। ଏହି ଆସନର ପ୍ରଭାବ ମେରୁହାଡ ଉପରେ ପଡେ। କରିବାକୁ ହେଲେ ମ୍ୟାଟ୍ ଉପରେ ଆଣ୍ଠୁରେ ବସନ୍ତୁ। ବର୍ତ୍ତମାନ ଉଭୟ ଆଣ୍ଠୁ ଏବଂ ଗୋଇଠି ଏକାଠି ସ୍ପର୍ଶ କରନ୍ତୁ। ଏକ ଗଭୀର ଶ୍ୱାସ ନେଇ, ହାତକୁ ଉପରକୁ ନେଇ ପରେ ଶ୍ୱାସ ଛାଡି ଆଗକୁ ନଇଁଯାଆନ୍ତୁ। ଜଙ୍ଘରେ ପେଟକୁ ଲଗାନ୍ତୁ। ଆଗକୁ ଚାହିଁ ଏହି ଅବସ୍ଥାରେ କିଛି ସମୟ ରୁହନ୍ତୁ। ପରେ, ଆଣ୍ଠୁକୁ ସିଧା କରି ସାଧାରଣ ସ୍ଥିତିକୁ ଫେରନ୍ତୁ।

ଏହି ଅଭ୍ୟାସ ବେକ ଏବଂ ମେରୁଦଣ୍ଡର ଉପର ହାଡ଼ ଉପରେ ଚାପ ପକାଇଥାଏ। ପିଠି ଏବଂ ଅଣ୍ଟାର ଯନ୍ତ୍ରଣା ସହ ଫ୍ରୋଜେନ୍ ସୋଲ୍ଡର୍ ଏବଂ ଛାତି ମାଂସପେଶୀକୁ ସୁସ୍ଥ ରଖିବା ପାଇଁ ଏହି ଆସନ ଅତ୍ୟନ୍ତ ଲାଭଦାୟକ। ଏହି ଆସନରେ ଶରୀରର ଆକୃତିକୁ ସାପ ସଦୃଶ କରାଯାଏ। ଏହି ଯୋଗାସନ କରିବା ପାଇଁ, ପେଟ ଉପରେ ଶୋଇ ପାପୁଲିକୁ କାନ୍ଧ ତଳେ ରଖନ୍ତୁ। ତା’ପରେ ଶରୀରର ଆଗ ଭାଗକୁ ଉପରକୁ ଉଠାନ୍ତୁ ଏବଂ ଏହି ଅବସ୍ଥାରେ ୧୦-୨୦ ସେକେଣ୍ଡ ପର୍ଯ୍ୟନ୍ତ ରୁହନ୍ତୁ। ପରେ ସାଧାରଣ ଅବସ୍ଥାକୁ ଆସନ୍ତୁ।

ଏହି ଆସନ ମେରୁଦଣ୍ଡଜନିତ ସମସ୍ୟାକୁ ଦୂର କରିବାରେ ଖୁବ ଭଲ କାମ କରିଥାଏ। ଏହାକୁ କରିବା ପାଇଁ ମ୍ୟାଟ୍ ଉପରେ ପିଠି ରଖି ଶୋଇଯାଆନ୍ତୁ। ଏହାପରେ ଆଣ୍ଠୁକୁ ବଙ୍କା କରି ପାଦକୁ ତଳେ ରଖନ୍ତୁ। ଦୁଇ ହାତରେ ବଳାଗଣ୍ଠିକୁ ଧରି ରଖନ୍ତୁ। ଶ୍ୱାସ ନେଇ ଧୀରେ ଧୀରେ ଅଣ୍ଟା ପାଖରୁ ଉପରକୁ ଉଠାନ୍ତୁ। ଏହି ଅବସ୍ଥାରେ ୧-୨ ମିନିଟ୍ ରୁହନ୍ତୁ। ଏହାପରେ ଶ୍ୱାସ ଛାଛି ଆରମ୍ଭ ସ୍ଥିତିକୁ ଆସନ୍ତୁ।