ଆଜିକାଲି ବଜାରରେ ଫଳର ଚାହିଦା ବୃଦ୍ଧି ହେତୁ ସେଗୁଡିକୁ ପଚେଇବା ପାଇଁ ରାସାୟନିକ ପଦାର୍ଥ ବ୍ୟବହାର କରାଯାଉଛି। କଦଳୀକୁ ଶୀଘ୍ର ପଚେଇବା ପାଇଁ କାର୍ବାଇଡ୍ ବ୍ୟବହାର କରାଯାଏ।
କାର୍ବାଇଡ୍ ଯଦି ପେଟକୁ ଯାଏ, ଏହା ବିଷ ପରି କାମ କରିବ। ପରେ ଅନେକ ଶାରୀରିକ ସମସ୍ୟା ଆଣିଥାଏ।
ଏଭଳି ପରିସ୍ଥିତିରେ ବିଷାକ୍ତ କଦଳୀକୁ କିପରି ଚିହ୍ନିବେ ତାହା ଜାଣିବା ଜରୁରୀ। କାର୍ବାଇଡ୍ ଦିଆ କଦଳୀକୁ ଚିହ୍ନିବା ପାଇଁ ୪ଟି ଉପାୟ ଜାଣନ୍ତୁ।
ପ୍ରଥମ ଉପାୟ: ପ୍ରାକୃତିକ ଭାବରେ ପାଚିଥିବା କଦଳୀରେ କଳା କିମ୍ବା ବାଦାମୀ ଦାଗ ଦେଖାଯାଏ, ଯେତେବେଳେ କି କାର୍ବାଇଡ୍ ପରି ବିପଜ୍ଜନକ ରାସାୟନିକ ପଦାର୍ଥରେ ପଚାହୋଇଥିବା କଦଳୀ ଚୋପାରେ ଦାଗ ନ ଥାଏ।
ଦ୍ୱିତୀୟ ଉପାୟ: ରାସାୟନିକ ପଦାର୍ଥରେ ପାଚିଥିବା କଦଳୀ ବହୁତ ସୁନ୍ଦର ଦେଖାଯାଏ। କଦଳୀକୁ ଦବାଇବା ବେଳେ ଯଦି ପାଚିଲା ଲାଗେ, ତେବେ ଜାଣନ୍ତୁ ଯେ ଏହି କଦଳୀ ରାସାୟନିକ ପଦାର୍ଥ ଦ୍ୱାରା ପଚାଯାଇଛି।
ତୃତୀୟ ଉପାୟ: ଏକ ବାଲ୍ଟି ପାଣି ନିଅନ୍ତୁ। ସେଥିରେ କଦଳୀ ପକାନ୍ତୁ। ଯଦି କଦଳୀ ସ୍ୱାଭାବିକ ଭାବରେ ପାଚିଥାଏ, ତେବେ ଏହା ବୁଡ଼ିଯିବ, ଯଦି ରାସାୟନିକ ଭାବରେ ପାଚିଥାଏ, ତେବେ ଏହା ଭାସିବ।
ଚତୁର୍ଥ ଉପାୟ: ଯଦି କଦଳୀ ଗୋଟିଏ ଜାଗାରେ ପାଚିଛି ଆଉ ଅନ୍ୟ ଜାଗା କଞ୍ଚା ଅଛି, ତେବେ ଜାଣନ୍ତୁ, ଏହା ରାସାୟନିକ ପଦାର୍ଥ ଦ୍ୱାରା ପାଚିଛି। କଦଳୀ ପ୍ରାକୃତିକ ଭାବରେ ପାଚିଲେ ସବୁଆଡ ହଳଦିଆ ଦେଖାଯିବ।