ପିସିସି ମୁଖ୍ୟ ଭକ୍ତ ଦାସଙ୍କ ସର୍ବକ୍ଷମା ଆହ୍ବାନ ପରେ ଚଳଚଞ୍ଚଳ ରାଜନୀତି। ସୁରଙ୍କ ଘର ୱାପସୀ।

କଂଗ୍ରେସ ଭବନରେ ସୁରେଶ ରାଉତରାୟ । ସମସ୍ତଙ୍କ ଉପରୁ ନିଲମ୍ବନ ଉଠିବା ପରେ ଆଜି କଂଗ୍ରେସ ଭବନ ଆସିଥିଲେ ବରିଷ୍ଠ ନେତା ସୁରେଶ ରାଉତରାୟ ।

ବଡ ପୁଅ ସିଦ୍ଧାର୍ଥ ରାଉତରାୟ ଏବଂ ସମର୍ଥକଙ୍କ ସହ କଂଗ୍ରେସ ଭବନ ଆସିଥିଲେ। ନଡିଆ ଭାଙ୍ଗି, ମୁଣ୍ଡିଆ ମାରି ସେ କଂଗ୍ରେସ ଭବନରେ ପ୍ରବେଶ କରିଥିବା ବେଳେ, ଖୁସିବ୍ୟକ୍ତ କରିଛନ୍ତି ସୁର।

ସେ କହିଛନ୍ତି, ୯ ମାସ ବହୁତ ଯନ୍ତ୍ରଣାରେ ଥିଲି। କିଛି କୁଚକ୍ରୀ ମୋତେ ଷଡ଼ଯନ୍ତ୍ର କରି ନିଲମ୍ବନ କରିଥିଲେ, ତେବେ ଆଜି ମୋ ମନ୍ଦିରକୁ ଫେରିଲି ବୋଲି ସୁର କହିଛନ୍ତି ।