ଘରେ ପାଣି, ବାହାରେ ପାଣି । ଉବୁଟୁବୁ ରାସ୍ତାଘାଟ, ଜଳାର୍ଣ୍ଣବ ଗାଁ ଗଣ୍ଡା । ଆଉ ଏପଟେ ନଦୀର ପ୍ରଳୟଙ୍କାରୀ ରୂପ ଦେଖିଲେ, ବଢିଯାଉଛି ଡର । ସୁବର୍ଣ୍ଣରେଖା ନଦୀର ଉଛୁଳା ପାଣିରେ ଅସ୍ତବ୍ୟସ୍ତ ବାଲେଶ୍ବର ଜିଲ୍ଲାର ୩ ବ୍ଲକ୍ । କେଉଁଠି ମୁଖ୍ୟ ରାସ୍ତାରେ ଅଣ୍ଟାଏ ତ, ଆଉ କେଉଁଠି ଗାଁ ଦାଣ୍ଡରେ ଆଣ୍ଠୁଏ ଉଚ୍ଚର ପାଣି ଭିତରେ ଯା'ଆସ କରୁଛନ୍ତି ଲୋକେ ।
କେଉଁଠି ପାଣି ତ କେଉଁଠି ଖାଦ୍ୟ ପାଇଁ ହାହାକାର । ବର୍ଷା ଛାଡିଥିଲେ ବି ସୁଧୁରିନି ବାଲେଶ୍ବରର ବନ୍ୟା ସ୍ଥିତି ।
ଗାଁ ଦାଣ୍ଡରେ ସୁଅ କାଟି ଚାଲିଛି ବେକେ ଉଚ୍ଚର ପାଣି। ବାଲେଶ୍ବର ବନ୍ୟା ପ୍ରଭାବିତ ଅଞ୍ଚଳରେ ସାଂଘାତିକ ସ୍ଥିତି । କୁମ୍ଭୀରଗଡ଼ି ପଞ୍ଚାୟତର ୫ ଗାଁର ୩ ଶହ ପରିବାର ନଦୀ ବନ୍ଧରେ ଆଶ୍ରୟ ନେଇଛନ୍ତି ।
ମାତ୍ର ୫ ଦିନର ବ୍ୟବଧାନ ପରେ ପୁଣି ଜଳ ପ୍ରଳୟ। ଜନବସତି, ରାସ୍ତାଘାଟ, ବିଲଗହିର ସବୁଆଡ଼େ ଖାଲି ପାଣି ଆଉ ପାଣି ଦେଖିବାକୁ ମିଳିଛି। ଉପରମୁଣ୍ଡରେ ଲଗାଣ ବର୍ଷା ଓ ଝାଡ଼ଖଣ୍ଡ ଗାଲୁଡ଼ି ବ୍ୟାରେଜର ଅଧିକ ଗେଟ୍ ଖୋଲାଯିବା ପରେ ଫୁଲୁଛି ସୁବର୍ଣ୍ଣରେଖା। ଆଉ ତାର ପ୍ରଭାବରେ ବାଲେଶ୍ୱର ବାଲିଆପାଳ ଓ ଭୋଗରାଇ ଅଞ୍ଚଳରେ ସ୍ଥିତି ସଙ୍ଗୀନ ହେଲାଣି।
LIVE TV
