ନୂଆପଡା ଉପନିର୍ବାଚନ ପାଇଁ ଆରମ୍ଭ ହେଲାଣି ପ୍ରସ୍ତୁତି। ପୁଣି ଜିତିବା ନେଇ ବିଜେଡି ଶହେ ପ୍ରତିଶତ ଗ୍ୟାରେଣ୍ଟି ଦେଉଥିବା ବେଳେ ନୂଆ ସଭାପତିଙ୍କ ନେତୃତ୍ବରେ କଂଗ୍ରେସ ଭଲ ପ୍ରଦର୍ଶନ ନେଇ ଆଶାବାଦୀ। ବିଜେପି କହିଛି ଆମର ଗୋଟିଏ ସିଟ୍ ବଢିବ।
ଆସନ୍ତାକାଲି ଉପରାଷ୍ଟ୍ରପତି ନିର୍ବାଚନରେ ଭାଗ ନନେବାକୁ ଦଳର ପଲିଟିକାଲ ଆଫାୟର୍ସ କମିଟି ଏବଂ ସାଂସଦ ମାନଙ୍କ ସହ ଆଲୋଚନା ପରେ ବିଜେଡି ସୁପ୍ରିମୋ ଏଭଳି ନିର୍ଦ୍ଦେଶ ଦେଇଥିବା ଗଣମାଧ୍ୟମକୁ ସୂଚନା ଦେଇଛନ୍ତି ବିଜେଡି ସଂସଦୀୟ ଦଳ ନେତା। ତେବେ ବିଜେଡିର ଏ ଷ୍ଟାଣ୍ଡ, ଏନଡିଏକୁ ପରୋକ୍ଷ ସମର୍ଥନ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଜୁଏଲ ଓରାମ।
ଯାଜପୁରରେ ଭୁଶୁଡିବ ବିଜେଡି ଗଡ। ମନମୋହନଙ୍କ ନେତୃତ୍ୱରେ ହେବ ମହାମିଶ୍ରଣ ପର୍ବ। ଏଥିସହ ଧର୍ମଶାଳା ଛାଡ଼ି ପଳାଇବେ ପ୍ରଣବ ବଳବନ୍ତରାୟ। ବିଜେପି ରାଜ୍ୟ ସଭାପତିଙ୍କ ଯାଜପୁର ଗସ୍ତ ସମ୍ପର୍କରେ ସୂଚନା ଦେଇ ଏମିତି କହିଛନ୍ତି ଧର୍ମଶାଳା ବିଧାୟକ ହିମାଂଶୁ ସାହୁ।
ଦିଲ୍ଲୀରେ ପ୍ରତାପ ଷଡ଼ଙ୍ଗୀଙ୍କ ବାସଭବନରେ ବିଜେପି ସାଂସଦଙ୍କ ବୈଠକ ବସିଛି । ବୈଠକରେ ଯୋଗଦେଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ।
ପୁଣି ଦିଲ୍ଲୀ ଗସ୍ତରେ ମନମୋହନ ସାମଲ, ବଢ଼ିଲା ମନ୍ତ୍ରିମଣ୍ଡଳ ସମ୍ପ୍ରସାରଣ ଚର୍ଚ୍ଚା । ରାଜ୍ୟ କମିଟି ଗଠନ, ବୋର୍ଡ ଓ ନିଗମ ନିଯୁକ୍ତି ଚର୍ଚ୍ଚା। ଗତକାଲି ରାତିରେ ଦିଲ୍ଲୀ ଗଲେ ବିଜେପି ସଭାପତି, ଦିନକ ପୂର୍ବରୁ ହିଁ ଦିଲ୍ଲୀରୁ ଫେରିଥିଲେ। ଗତ ଗସ୍ତ ବେଳେ ମନ୍ତ୍ରିମଣ୍ଡଳ ସମ୍ପ୍ରସାରଣ ନେଇ ହୋଇଥିଲା ଆଲୋଚନା।
ବିଜେପି ୨୫ ସେପ୍ଟେମ୍ବରରୁ ‘ଆତ୍ମନିର୍ଭର ଭାରତ ସଂକଳ୍ପ ଅଭିଯାନ’ ଆରମ୍ଭ କରିବ। ଏହି ଅଭିଯାନ ୨୫ ଡିସେମ୍ବର ପର୍ଯ୍ୟନ୍ତ ଚାଲିବ। ଏହାର ଉଦ୍ଦେଶ୍ୟ ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସ୍ୱଦେଶୀ ଏବଂ ଆତ୍ମନିର୍ଭରଶୀଳତାର ବିଚାରକୁ ପ୍ରୋତ୍ସାହନ ଦେବା। ବିଜେପି ଜାତୀୟ ସ୍ତରରେ ‘ଭୋକାଲ ଫର ଲୋକାଲ’ ଅଭିଯାନକୁ ମଧ୍ୟ ପ୍ରୋତ୍ସାହନ ଦେବ। ଏହି ସମୟରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯିବ, ଯେଉଁଥିରେ ସ୍ଥାନୀୟ ଉତ୍ପାଦଗୁଡ଼ିକୁ ପ୍ରୋତ୍ସାହନ ଦିଆଯିବ।
ପଞ୍ଚାୟତ ଏବଂ ବ୍ଲକରେ ସଫା ହୋଇଯିବ କି ବିଜେଡି ? କାହିଁକି ନା ଗୋଟିକ ପରେ ଗୋଟିଏ ବ୍ଲକ ଅଧ୍ୟକ୍ଷ ଏବଂ ପଞ୍ଚାୟତ ପ୍ରତିନିଧିମାନେ ଏବେ ଦଳ ଛାଡି ବିଜେପିରେ ମିଶୁଛନ୍ତି। ଆଉ କେଉଁଠି ଅନାସ୍ଥା ଆଣି ବ୍ଲକ୍ ଦଖଲ କରୁଛି ବିଜେପି। ସରକାରକୁ ଆସିବାର ୧୪ ମାସରେ ଏମିତି ପ୍ରାୟ ୩୦ ବ୍ଲକ୍ ଦଖଲ କଲାଣି ଶାସକ ଦଳ। ଏମିତି ସ୍ଥିତିରେ କାହିଁକି ବିଜେଡିର ପଞ୍ଚାୟତ ପ୍ରତିନିଧି ଦଳଠାରୁ ମୁହଁ ଫେରାଉଛନ୍ତି ତାକୁ ନେଇ ବଢିଛି ଚର୍ଚ୍ଚା।...
ଲୋକସଭାରେ ଆଗତ ୧୩୦ତମ ସମ୍ବିଧାନ ସଂଶୋଧନ ବିଲ୍ ନେଇ ବିରୋଧୀଙ୍କୁ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହଙ୍କ ଟାର୍ଗେଟ୍ । ଗିରଫ ହୋଇ ୩୦ଦିନ ଜେଲରେ ରହିଲେ ବିଲ୍ ରେ ପଦ ଯିବା ବ୍ୟବସ୍ଥା ରହିଛି । ଜେଲରୁ କେବେ ସରକାର ଚାଲିପାରିବ ନାହିଁ ।
ଅମଲା ଆନ୍ଦୋଳନ ପଛରେ ବିଜେଡି ଥିବା ଦାୟୀ କଲେ ରାଜସ୍ୱ ମନ୍ତ୍ରୀ ସୁରେଶ ପୂଜାରୀ। କହିଲେ ରାଜସ୍ୱ ବିଭାଗ ପାଖରେ ବଡ଼ ବଡ଼ ଅସ୍ତ୍ର ଅଛି। ଯଦି ସୋମବାର ସୁଦ୍ଧା ଅମଲାମାନେ ଆନ୍ଦୋଳନ ଛାଡ଼ି କାମ ନକରନ୍ତି, ତେବେ ରାଜସ୍ୱ ବିଭାଗ ଅସ୍ତ୍ର ଛାଡ଼ିବ। ରାଜସ୍ୱ ବିଭାଗ ଅସ୍ତ୍ର ଛାଡ଼ିଲେ ସମ୍ଭାଳି ପାରିବ ତ?
ନବୀନ ନିବାସ ଯାଇ ବିରୋଧୀ ଦଳ ନେତା ନବୀନ ପଟ୍ଟନାୟଙ୍କୁ ଭେଟିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ନବୀନ ନିବାସରେ ପହଞ୍ଚି ନବୀନଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିଛନ୍ତି ମୁଖ୍ୟମନ୍ତ୍ରୀ ।
ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ତଥା କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡାଙ୍କ ସମେତ ଓଡ଼ିଶାର ବିଜେପି ସାଂସଦମାନେ ନୂଆଦିଲ୍ଲୀରେ ସି.ପି. ରାଧାକ୍ରିଷ୍ଣନଙ୍କୁ ଭେଟିଛନ୍ତି। ତାଙ୍କର ଦଶନ୍ଧି ଦଶନ୍ଧି ଧରି ଜନସେବା ଓ ଦୀର୍ଘ ଅଭିଜ୍ଞତା ଦେଶର ପ୍ରଗତିକୁ ଆହୁରି ସୁଦୃଢ଼ କରିବ ବୋଲି ସୋସିଆଲ ମିଡିଆରେ ପ୍ରକାଶ କରିଛନ୍ତି ବୈଜୟନ୍ତ ପଣ୍ଡା।
ବିହାର ପରେ ନିର୍ବାଚନ କମିଶନଙ୍କ ସୁପାରିଶ କ୍ରମେ ଓଡିଶାରେ ଆସନ୍ତା ମାସରୁ ଏସଆଇଆର ପାଇଁ ନିଷ୍ପତ୍ତି। କିନ୍ତୁ ଏଠି ବି SIRକୁ ମାନିବାକୁ ନାରାଜ ବିରୋଧୀ। କଂଗ୍ରେସ କହିଛି ତୀବ୍ର ବିରୋଧ ହେବ। ବିଜେଡି ମାପିଚୁପି ପ୍ରତିକ୍ରିୟା ରଖି କହିଛି ଦଳ ଭୋଟରଙ୍କ ସହିତ ଅଛି। ତେବେ ଏସଆଇଆର ସପକ୍ଷରେ ମତ ରଖି ବିରୋଧଙ୍କ ଉପରେ ବର୍ଷିଛି ବିଜେପି। ଏପଟେ ୨୪ ବର୍ଷ ପରେ ଓଡ଼ିଶାରେ ଭୋଟର ଲିଷ୍ଟ ସଂଶୋଧନ କରିବାକୁ କମିଶନ ଏବଂ ପ୍ରଶାସନିକ କଳରେ ବି ବ୍ୟାପକ ପ୍ରସ୍ତୁତି। ....
ଓଡ଼ିଶାରେ ଭୋଟ ତ୍ରୁଟି ଅଭିଯୋଗ ଆଣିବା ପରେ ବିଜୁ ଜନତା ଦଳକୁ ସତ୍ୟପାଠ ମଗାଯାଇଥିଲା । କିନ୍ତୁ ବିଜେଡି ଏ ପର୍ଯ୍ୟନ୍ତ ତାହା ଦେଇନାହିଁ । କେବଳ ଚିଠି ଦେଇ ଅଭିଯୋଗ ଆଣି ପ୍ରଶ୍ନ ଉଠାଇବା ଠିକ୍ ନୁହେଁ ବୋଲି ମୁଖ୍ୟ ନିର୍ବାଚନ କମିଶନର ସ୍ପଷ୍ଟ କଲା ପରେ ରାଜ୍ୟରେ ତେଜିଛି ରାଜନୀତି ।
ଉପରାଷ୍ଟ୍ରପତି ନିର୍ବାଚନ ଲାଗି ୨୧ ତାରିଖ ନାମାଙ୍କନର ଶେଷ ଦିନ ହୋଇଥିବା ବେଳେ ସେପ୍ଟେମ୍ବର ୯ ତାରିଖରେ ଭୋଟିଂ ହେବ। ସେହିଦିନ ହିଁ ଗଣତି କରଯାଇ ଫଳାଫଳ ଘୋଷଣା କରାଯିବ।
୨ ଲକ୍ଷରୁ କମ ଫାଇଲରେ ବିଡିଓ ଦସ୍ତଖତ ମାରୁଥିଲେ। ହେଲେ ଏଣିକି ଆଉ ୨୦ ଲକ୍ଷ କାମ ଯାଏଁ ଅଧ୍ୟକ୍ଷଙ୍କ କାଉଣ୍ଟର ସିଗ୍ନେଚର ଆବଶ୍ୟକ ନାହିଁ। ପୂରା କ୍ଷମତା ବିଡିଓଙ୍କ ହାତକୁ ଟେକି ଦିଆଯାଇଛି।
ବଳଙ୍ଗା ଘଟଣାରେ ବିରୋଧୀମାନେ ନାହିଁ ନଥିବା ତମ୍ବିତୋଫାନ କଲେ । ରାଜଧାନୀରୁ ଆରମ୍ଭ କରି ଗ୍ରାମାଞ୍ଚଳର ରାସ୍ତାଘାଟରେ ଆନ୍ଦୋଳନ କରିବା ଦ୍ୱାରା ସରକାର ଏକ ପ୍ରକାର ଅଣନିଶ୍ୱାସୀ ହୋଇପଡ଼ିଲେ । ସଚିବାଳୟ ଠାରୁ ଆରମ୍ଭ କରି ପଞ୍ଚାୟତ କାର୍ଯ୍ୟାଳୟ ପର୍ଯ୍ୟନ୍ତ ସରକାରୀ କାର୍ଯ୍ୟ ଏକ ପ୍ରକାର ଠପ୍ ହୋଇପଡ଼ିଲା । ବିରୋଧୀମାନଙ୍କ ଦ୍ୱାରା ଗୋଟିଏ ବାର୍ତ୍ତା ଦିଆଗଲା ଯେ ଏହି ଘଟଣାରେ ଜଡ଼ିତ ଥିବା ଅପରାଧୀମାନଙ୍କୁ ସରକାର ଧରିବା ପାଇଁ ଆନ୍ତରିକତା ଦେଖାଉନାହାଁନ୍ତି । କିନ୍ତୁ ତଦନ୍ତରୁ ଜଣାଗଲା ଯେ ଏହି ଘଟଣାରେ କୌଣସି ବ୍ୟକ୍ତି ସମ୍ପୃକ୍ତ ନାହାନ୍ତି ।
ଭକ୍ତଙ୍କ ଆହ୍ୱାନକୁ ବିଜୁ ଜନତା ଦଳ ପ୍ରକାରନ୍ତରେ ପ୍ରତ୍ୟାଖ୍ୟାନ କରିଛି ବୋଲି କୁହାଯାଇପାରେ । ବିଜୁ ଜନତା ଦଳର ପ୍ରତ୍ୟାଖାନ ପ୍ରକ୍ରିୟା ବେଶ୍ ସ୍ୱାଭାବିକ । ବିଧାନସଭାରେ ଅଧିକ ସଂଖ୍ୟକ ସଦସ୍ୟ ଥିବା ଏକ ଦଳ କେବେ ଏକ କମ୍ ସଦସ୍ୟ ଥିବା ଦଳର ଆହ୍ୱାନକୁ ଗ୍ରହଣ କରିବା ଆତ୍ମଘାତୀ ହେବ । ବିଜୁ ଜନତା ଦଳ ନେତାମାନେ ଭଲ ଭାବରେ ଜାଣିଛନ୍ତି ଯେ ସେମାନେ ଏ ନେଇ ନିଜସ୍ୱ ଷ୍ଟ୍ରାଟେଜି ବା କୌଶଳରେ ସରକାରଙ୍କୁ କାଠଗଡ଼ାରେ ଛିଡ଼ା କରାଇପାରିବେ ।
କେନ୍ଦ୍ରାପଡ଼ା ଜିଲ୍ଲାର ଉନ୍ନୟନମୂଳକ କାର୍ଯ୍ୟର ସମୀକ୍ଷା କଲେ ସାଂସଦ ବୈଜୟନ୍ତ ପଣ୍ଡା। ଜଜାଙ୍ଗସ୍ଥିତ ପ୍ରଦକ୍ଷଣ ଭବନରେ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଆୟୋଜିତ ବୈଠକରେ ସବୁ ବିଭାଗର ମୁଖ୍ୟ ଅଧିକାରୀଙ୍କ ସହିତ ସାଂସଦ ବୈଜୟନ୍ତ ପଣ୍ଡା ସାମିଲ ହୋଇଥିଲେ।
ବିଧାନସଭା ମୌସୁମୀ ଅଧିବେଶନ ବିଳମ୍ବକୁ ନେଇ ତେଜିଲା ରାଜନୀତି। ସରକାରଙ୍କୁ ଘେରିଲେ ବିରୋଧୀ।
ନାରୀ ହିଂସା ପାଇଁ ସରକାର ଶୂନ୍ୟ ସହନଶୀଳ। ମାତ୍ର ଅଘଟଣ ବଢୁଛି। ବିରୋଧୀ ଏହାକୁ ମୁଦ୍ଦା କରୁଛନ୍ତି। କିନ୍ତୁ ବିଜେଡି କର୍ପୋରେଟର ଅମରେଶ ଜେନା ଓ ଛାତ୍ର କଂଗ୍ରେସ ସଭାପତି ଦୁଷ୍କର୍ମ ଘଟଣାରେ ପଡିବା ବିରୋଧୀଙ୍କ ଅସଲ ମୁଖା ଖୋଲିଦେଇଛି ବୋଲି କହିଛି ବିଜେପି।
ଦିଲ୍ଲୀରୁ ଭୁବନେଶ୍ବର ଫେରିଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ। ଗଣମାଧ୍ୟମରେ ପ୍ରତିକ୍ରିୟା ରଖି ସେ କହିଛନ୍ତି, ମନ୍ତ୍ରୀ ମଣ୍ଡଳ ସଂପ୍ରସାରଣ ସମ୍ପର୍କରେ ଆଲୋଚନା ହୋଇନି। ରାଜ୍ୟ ବିଜେପିର ନୂଆ କମିଟି ଗଠନ ହେବ।
ବିଧାନସଭାରେ ସମର୍ଥନ ନଥାଇ କଂଗ୍ରେସ କାହିିଁକି ଯେ ଅନସ୍ଥା ପ୍ରସ୍ତାବ ଆଣୁଛି, ସେ ନେଇ ରାଜନୈତିକ ମହଲ ଠାରୁ ଆରମ୍ଭ କରି ସାଧାରଣ ଜନତାଙ୍କ ମନରେ ଉତ୍କଣ୍ଠା ସୃଷ୍ଟି ହେବା ସ୍ୱଭାବିକ । ହେଲେ କୁହାଯାଏ ଯେ ରାଜନୀତିରେ ପ୍ରତ୍ୟେକ ପଦକ୍ଷେପ ‘ପ୍ରମେଡିଟେଡ୍’ ବା ପୂର୍ବଚିନ୍ତିତ । ଭକ୍ତଙ୍କ ଆହ୍ୱାନକୁ ଯଦି ବିଜୁ ଜନତା ଦଳ ପ୍ରତ୍ୟଖ୍ୟାନ କରେ, ତେବେ କଂଗ୍ରେସ ଉକ୍ତ ଦଳକୁ କାଠଗଡ଼ାରେ ଛିଡ଼ା କରିବା ପାଇଁ ବାଟ ଉନ୍ମୁକ୍ତ ହୋଇଯିବ ।
ପ୍ରଥମେ ଏ ସମ୍ପର୍କରେ ବିଜେଡି ଉପସଭାପତି ଦେବୀ ମିଶ୍ର ମୁହଁ ଖୋଲିଥିବାବେ ଏବେ ବିଜେଡି ନେତା ଭୂପିନ୍ଦର ସିଂ କହିଛନ୍ତି, ଦଳର ଆଭିମୁଖ୍ୟ କଣ ରହିବ ସେନେଇ ଦଳର ମୁଖ୍ୟ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ନିଷ୍ପତ୍ତି ନେବେ ।
‘ବିରୋଧୀ ଅନାସ୍ଥା ଆଣିଲେ ସରକାର ଆହତ ହେବେନି ନିଜେ କ୍ଷତାକ୍ତ ହେବେ । ବିରୋଧୀଙ୍କ ଅନାସ୍ଥା ପ୍ରସ୍ତାବ ସେମାନଙ୍କ ପାଇଁ ବୁମେରାଂ ହେବ । ଏଭଳି ଢଙ୍ଗରେ ବିରୋଧୀଙ୍କ ଉପରେ ବର୍ଷିଛନ୍ତି ରାଜସ୍ବ ମନ୍ତ୍ରୀ ସୁରେଶ ପୂଜାରୀ ।’
ପିସିସି ସଭାପତି ଭକ୍ତ ଦାସ ଅନାସ୍ଥା ପ୍ରସ୍ତାବ ଦେବା ପରେ ସରଗରମ ରାଜ୍ୟ ରାଜନୀତି। ଭକ୍ତଙ୍କ ବଡ଼ ବୟାନ ପରେ ଏବେ ପ୍ରଶ୍ନ ବିଜେପି ବିରୋଧରେ ଏକ ହେବେ କି ବିଜେଡି ଓ କଂଗ୍ରେସ। ସାମ୍ବାଦିକ ସମ୍ମିଳନୀରେ ଭକ୍ତ କହିଛନ୍ତି, ନାରୀ ନ୍ୟାୟ ପାଇଁ ଯଦି ବିଜେଡି ଆନ୍ତରିକତାର ସହ ଲଢ଼ୁଛି ତାହେଲେ ବିଧାନସଭାରେ ସରକାର ବିରୋଧରେ ଆଣୁ ଅନାସ୍ଥା ପ୍ରସ୍ତାବ, ଆଉ ଏହାକୁ ଆମେ ସମର୍ଥନ ଦେବୁ ବୋଲି କହିଛନ୍ତି ଭକ୍ତ। ନଚେତ ଆମେ ଆଣିବୁ ଅନାସ୍ଥା ପ୍ରସ୍ତାବ, ବିଜେଡି ସମର୍ଥନ ଦେଉ ବୋଲି ଭକ୍ତ ସିଧା କହିବା ପରେ ଏହାକୁ ନେଇ ଆରମ୍ଭ ହୋଇଛି ଚର୍ଚ୍ଚା।
LIVE TV
