/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626676223.jpg )
/odishatv-khabar/media/post_attachments/uploadimage/library/16_9/16_9_0/IMAGE_1632410043.jpg)
Quake on Mars
ପୃଥିବୀ ପରି ମଙ୍ଗଳରେ ବି ଆସିଛି ଭୂକମ୍ପ। ନାସାର ଇନ୍ସାଇଟ୍ ଲ୍ୟାଣ୍ଡର ଏହି ସୂଚନା ଦେଇଛି। ସୂଚନା ମୁତାବକ ମଙ୍ଗଳ ପୃଷ୍ଠରେ ଥିବା ଇନ୍ସାଇଟ୍ ଲ୍ୟାଣ୍ଡର ଏହାର ନିମ୍ନରେ ଘଡଘଡି ଭଳି କିଛି ଶବ୍ଦ ଶୁଣିବାକୁ ପାଇଥିଲା। ମଙ୍ଗଳରେ ହୋଇଥିବା ଭୂକମ୍ପ ଭିତରୁ ଏହା ସବୁଠାରୁ ବଡ ଓ ଦୀର୍ଘ ସମୟ ଧରି ହୋଇଥିବା ନାସା କହିଛି। ଏହାର ତୀବ୍ରତା ୪.୨ ବୋଲି ମପାଯାଇଛି। ତେବେ ମଙ୍ଗଳକୁ ଦୋହଲେଇ ଦେବା ଭଳି ଏହି ଭୂକମ୍ପ ପାଖାପାଖି ଦେଢ ଘଣ୍ଟା ଧରି ହୋଇଥିବା କୁହାଯାଇଛି।
ସେପ୍ଟେମ୍ବର ୧୮ରେ ହୋଇଥିବା ଏହି ଭୂକମ୍ପ ମଙ୍ଗଳରେ ଗୋଟିଏ ମାସ ଭିତରେ ହୋଇଥିବା ତିନି ନମ୍ବର ବୋଲି କୁହାଯାଇଛି। ଅଗଷ୍ଟ ୨୫ରେ ଦୁଇଟି ଭୂକମ୍ପ ହୋଇଥିଲା ଯାହାର ତୀବ୍ରତା ସିସ୍ମୋମିଟର ସ୍କେଲ୍ରେ ୪.୨ ଓ ୪.୧ ଥିଲା। ତେବେ ସେପ୍ଟେମ୍ବର ୧୮ରେ ହୋଇଥିବା ଏହି ଭୂକମ୍ପ ପୂର୍ବ ତୁଳନାରେ ପାଞ୍ଚ ଗୁଣା ଅଧିକ ବୋଲି ନାସା କହିଛି।
Also Read
ପ୍ରକାଶଥାଉ ଯେ ୨୦୧୯ରେ ମଙ୍ଗଳରେ ୩.୭ ତୀବ୍ରତାର ଭୂକମ୍ପ ହୋଇଥିଲା। ତେବେ ବର୍ତ୍ତମାନ ହୋଇଥିବା ଏହି ଭୂକମ୍ପ ସ୍ଥାନ ଇନ୍ସାଇଟ୍ ଠାରୁ ପାଖାପାଖି ୮,୫୦୦ କିଲୋମିଟର ଦୂରରେ ହୋଇଛି ବୋଲି ବୈଜ୍ଞାନିକମାନେ କହିଛନ୍ତି। ଏହା ସବୁଠାରୁ ଦୂର ବୋଲି କୁହାଯାଇଛି। ବୈଜ୍ଞାନିକମାନେ ଏବେ ଏହାର କେନ୍ଦ୍ର ଖୋଜୁଛନ୍ତି।
/odishatv-khabar/media/post_attachments/uploadimage/library/16_9/16_9_0/IMAGE_1632410008.jpg "Quake on Mars")
ମଙ୍ଗଳକୁ ଥରେଇଦେଲା ଭୂକମ୍ପ ଇନ୍ସାଇଟ୍ ଲ୍ୟାଣ୍ଡର, Cerberus Fossaeରେ ମଙ୍ଗଳରେ ପୂର୍ବରୁ ହୋଇଥିବା ଭୂକମ୍ପ ଚିହ୍ନଟ କରିଛି, ଯାହା ପ୍ରାୟ ୧,୬୦୯ କିଲୋମିଟର ଦୂରରେ ଥିଲା, ଯେଉଁଠାରେ ଗତ କିଛି ବର୍ଷ ମଧ୍ୟରେ ଲାଭାର ପ୍ରବାହ ହୋଇପାରେ ବୋଲି ନାସା କହିଛି। ଇନ୍ସାଇଟ୍ ସେସ୍ମୋମିଟର ସାଧାରଣତଃ ରାତିରେ ଭୂକମ୍ପ ଚିହ୍ନଟ କରେ, ଯେତେବେଳେ ଗ୍ରହ ଥଣ୍ଡା ହୋଇଯାଏ ଏବଂ ପବନ କମିଯାଏ। ତେବେ ଏଥର ଏହା ଭିନ୍ନ ଥିଲା। ନାସା ଏକ ବିବୃତ୍ତିରେ କହିଛି ଯେ ଉଭୟଙ୍କ ମଧ୍ୟରେ ପାର୍ଥକ୍ୟ ସତ୍ତ୍ୱେ ଅଗଷ୍ଟ ୨ ରେ ମଙ୍ଗଳରେ ହୋଇଥିବା ଦୁଇଟି ଭୂକମ୍ପରେ କିଛି ସମାନତା ରହିଛି। ଉଭୟ ଭୂକମ୍ପ ଦିନ ବେଳା ହୋଇଛି, ଯେତେବେଳେ ମଙ୍ଗଳରେ ସବୁଠାରୁ ଅଧିକ କୋଳାହଳ ଥିଲା ଏବଂ ପ୍ରବଳ ପବନ ବହୁଥିଲା।
ଇନ୍ସାଇଟ୍ ଲ୍ୟାଣ୍ଡର୍ର ମୁଖ୍ୟ ଅନୁସନ୍ଧାନକାରୀ ବ୍ରୁସ୍ ବ୍ୟାନର୍ଟ ଏକ ବିବୃତ୍ତିରେ କହିଛନ୍ତି, “ଯଦି ମିଶନ ଆରମ୍ଭରୁ କାର୍ଯ୍ୟାନୁଷ୍ଠାନ ଗ୍ରହଣ କରି ନ ଥାନ୍ତା, ତେବେ ଭୂକମ୍ପ ଚିହ୍ନଟ ହୋଇପାରି ନ ଥାନ୍ତା। କାରଣ ମଙ୍ଗଳ ଗ୍ରହର ଅତ୍ୟଧିକ ଅଣ୍ଡାକାର କକ୍ଷ ଏହାକୁ ସୂର୍ଯ୍ୟଙ୍କଠାରୁ ଦୂରେଇ ନେଇଥାନ୍ତା। ତେବେ ମଙ୍ଗଳର ସୂଚନା ଦେବା ପାଇଁ ଇନ୍ସାଇଟ୍ ଲ୍ୟାଣ୍ଡର୍ର ଡିଜାଇନ୍ କରାଯାଇଥିଲା। ମଙ୍ଗଳକୁ ଗଭୀର ଭାବରେ ଅଧ୍ୟୟନ କରୁଥିବା ଲ୍ୟାଣ୍ଡର୍ ହେଉଛି ପ୍ରଥମ ବାହ୍ୟ ସ୍ପେସ୍ ରୋବୋଟିକ୍ ଏକ୍ସପ୍ଲୋରର। ଏହା ୨୦୧୮ରେ ମଙ୍ଗଳ ଗ୍ରହରେ ପହଞ୍ଚିଥିଲା।
/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)