Pramod Behera

News Highlights

  • ଆଇଏଏସ୍ ଅଧିକାରୀ ଟିନା ଦାବି ଓ ଅଥର ଖାନ୍‌ଙ୍କ ଛାଡପତ୍ର

  • ୨୦୧୮ରେ ହୋଇଥିଲା ଚର୍ଚ୍ଚିତ ବିବାହ

  • ଯୋଗଦେଇଥିଲେ ଅନେକ ବରିଷ୍ଠ ରାଜନେତା

ନୂଆଦିଲ୍ଲୀ : ଛାଡପତ୍ର ହୋଇଛି ଭାରତୀୟ ପ୍ରଶାସନିକ ସେବା (ଆଇଏଏସ୍) ଅଧିକାରୀ ଟିନା ଦାବି ଓ ଅଥର ଆମୀର ଖାନ୍‌ଙ୍କ। ୨୦୧୮ରେ ଏମାନଙ୍କ ହୋଇଥିଲା ଚର୍ଚ୍ଚିତ ବିବାହ। ବିବାହ ଭୋଜିରେ ବରିଷ୍ଠ ରାଜନେତାମାନେ ଯୋଗ ଦେଇଥିଲେ। ଜୟପୁରର ଏକ ପରିବାର କୋର୍ଟ ସେମାନଙ୍କ ଛାଡପତ୍ର ଅନୁରୋଧକୁ ମଞ୍ଜୁର କରିଛନ୍ତି।

୨୦୧୫ରେ ସିଭିଲ୍‌ ସର୍ଭିସ୍‌ ପାଇଁ ଟିନା ଡାବି ୟୁନିଅନ୍‌ ପବ୍ଲିକ୍‌ ସର୍ଭିସ୍‌ କମିଶନ (ୟୁପିଏସସି) ପରୀକ୍ଷାରେ ଶୀର୍ଷରେ ରହିଥିଲେ, ସେହି ବର୍ଷ ଅଥର ଖାନ ଦ୍ୱିତୀୟ ସ୍ଥାନ ଅଧିକାର କରିଥିଲେ। ସେମାନଙ୍କର ରୋମାନ୍ସ ଏବଂ ବିବାହକୁ ଦେଖିଲେ ଜଣାପଡେ ସତେଯେପରି ଏକ ଚଳଚ୍ଚିତ୍ର ସ୍କ୍ରିପ୍ଟ୍‌।

ସୂଚନା ମୁତାବକ ଦୁହେଁ ନଭେମ୍ବରରେ ପରିବାର କୋର୍ଟରେ ପାରସ୍ପରିକ ସମ୍ମତି ଦେଇ ଛାଡପତ୍ର ପାଇଁ ଆବେଦନ କରିଥିଲେ। ଟିନା ଦାବି ଏବଂ ଅଥର ଖାନ ରାଜସ୍ଥାନ କ୍ୟାଡରର ଅଧିକାରୀ ଏବଂ ଉଭୟଙ୍କୁ ଜୟପୁରରେ ପୋଷ୍ଟିଂ କରାଯାଇଥିଲା। ଅଥର ଖାନ ବର୍ତ୍ତମାନ ଜମ୍ମୁ କଶ୍ମୀର ସରକାରଙ୍କ ସହ ଡେପୁଟେସନରେ ଅଛନ୍ତି ଏବଂ ତାଙ୍କୁ ଶ୍ରୀନଗରରେ ପୋଷ୍ଟିଂ କରାଯାଇଛି।

ଦିଲ୍ଲୀର ଲେଡି ଶ୍ରୀରାମ ମହାବିଦ୍ୟାଳୟରୁ ସ୍ନାତକୋତ୍ତର ପରେ ଟିନା ଦାବି ସମ୍ମାନଜନକ ସିଭିଲ୍‌ ସର୍ଭିସ୍‌ ପରୀକ୍ଷାରେ ପ୍ରଥମ ଦଳିତ ଭାବେ ଟପ୍ ରାଙ୍କ୍ ପାଇବା ପରେ ବେଶ୍ ଚର୍ଚ୍ଚାକୁ ଆସିଥିଲେ।

ବିଚ୍ଛେଦ ହେଲେ ଚର୍ଚ୍ଚିତ ଆଇଏଏସ୍ ଯୋଡି

ତେବେ ତାଲିମ ସମୟରେ ସେ କାଶ୍ମୀରର ଅନନ୍ତନାଗରୁ ଆସିଥିବା ଅଥାର ଖାନଙ୍କୁ ଭେଟିଥିଲେ। ଦୁହେଁ ଏପ୍ରିଲ ୨୦୧୮ରେ ଦିଲ୍ଲୀରେ ବିବାହ କରିଥିଲେ। ସେମାନଙ୍କର ବିବାହ ଭୋଜିରେ ଉପରାଷ୍ଟ୍ରପତି ଭେଙ୍କୟା ନାଇଡୁ, କେନ୍ଦ୍ରମନ୍ତ୍ରୀ ଏବଂ ପରେ ଲୋକସଭା ବାଚସ୍ପତି ସୁମିତ୍ରା ମହାଜନ ଯୋଗ ଦେଇଥିଲେ।

ସେତେବେଳେ ଆନ୍ତଃ ଧର୍ମ ବିବାହକୁ ନେଇ ସୋସିଆଲ୍‌ ମିଡିଆରେ ଝଡ ଉଠିଥିଲା। ଦେଶ ସାମ୍ପ୍ରଦାୟିକ ମତଭେଦ ଏବଂ ‘ଲଭ୍ ଜିହାଦ୍’ ଉପରେ ବିତର୍କର ସାମ୍ନା କରିଥିଲା। କୁହାଯାଇଥିଲା ଯେ ମୁସଲିମ ପୁରୁଷଙ୍କ ଦ୍ୱାରା ଷଡଯନ୍ତ୍ର କରାଯାଇ ହିନ୍ଦୁ ମହିଳାଙ୍କୁ ବିବାହ କରି ସେମାନଙ୍କ ଧର୍ମ ପରିବର୍ତ୍ତନ କରିବାକୁ ବାଧ୍ୟ କରାଯାଉଛି ବୋଲି।

କିନ୍ତୁ ଶ୍ରୀମତୀ ଦାବି କହିଥିଲେ ଯେ ସେ ଏହି ବିଦ୍ରୋହ ଦ୍ୱାରା ପ୍ରଭାବିତ ହୋଇ ନାହାଁନ୍ତି, ତାଙ୍କ ବିବାହ ଧାର୍ମିକ ବିଭେଦଠାରୁ ଉପରେ ଥିଲା ବୋଲି ସେ କହିଥିଲେ।

Other Stories