ସାଂସଦ ଭାବେ ଶପଥ ନେବା ପୂର୍ବରୁ ବୈଜୟନ୍ତଙ୍କ ମାର୍ଗଦର୍ଶନ ଲୋଡ଼ିଲେ ସର୍ବାନନ୍ଦ

ଭୁବନେଶ୍ୱର: ରାଜ୍ୟସଭା ସାଂସଦ ଭାବେ ଶପଥ ନେଲେ କେନ୍ଦ୍ରମନ୍ତ୍ରୀ ସର୍ବାନନ୍ଦ ସୋନୋୱାଲ । ଏହାପୂର୍ବରୁ ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ତଥା ଆସାମ ପ୍ରଭାରୀ ବୈଜୟନ୍ତ ପଣ୍ଡାଙ୍କ ମାର୍ଗଦର୍ଶନ ଲୋଡ଼ିଛନ୍ତି ସର୍ବାନନ୍ଦ । ଶପଥ ଗ୍ରହଣ ପୂର୍ବରୁ ସେ ବୈଜୟନ୍ତଙ୍କୁ ପରିବହନ ଭବନଠାରେ ସାକ୍ଷାତ କରିଥିଲେ । ସର୍ବାନନ୍ଦଙ୍କୁ ହାର୍ଦ୍ଦିକ ଅଭିନନ୍ଦନ ସହ ଶୁଭେଚ୍ଛା ଜଣାଇଛନ୍ତି ବୈଜୟନ୍ତ ।

Also Read

ଓଡ଼ିଶାରେ ଖୁବ୍‌ଶୀଘ୍ର ବ୍ରେନ୍ ବ୍ୟାଙ୍କ୍, ଏଣିକି ମସ୍ତିଷ୍କ ବି ଦାନ କରିପାରିବେ ଲୋକ

ଏଥର ବି ପାଣିଚିଆ ହେଲା ପାର୍ବଣ, ମୁଣ୍ଡରେ ହାତ ଦେଲେଣି ଛୋଟ ବ୍ୟବସାୟୀ

ବିଜେଡିକୁ ସାହା କଂଗ୍ରେସ ନେତା

ଗତ ନଭେମ୍ବରରେ ବୈଜୟନ୍ତଙ୍କୁ ଆସାମ ପ୍ରଭାରୀ ଦାୟିତ୍ୱ ଦେଇଥିଲା ବିଜେପି । ଗତ ମାର୍ଚ୍ଚରେ ଆସାମରେ ବିଧାନସଭା ନିର୍ବାଚନରେ ବିଜେପି ବିପୁଳ ସମର୍ଥନ ପାଇ ବାଜି ମାରିଥିଲା । ଏହି ବିଜୟ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ରମନ୍ତ୍ରୀ ଅମିତ ଶାହ, ବିଜେପିର ପ୍ରମୁଖ ନେତୃତ୍ତ୍ୱ ବୈଜୟନ୍ତଙ୍କୁ ପ୍ରଶଂସା କରିଥିଲେ । ଆସାମର ବିକାଶ ଦିଗରେ ସବୁବେଳେ ବୈଜୟନ୍ତ ମାର୍ଗଦର୍ଶନ କରୁଥାନ୍ତୁ ବୋଲି ସୋନୋୱାଲ ଏକ ସାର୍ବଜନୀନ ସଭାରେ କହିଥିଲେ ।

ରାଜ୍ୟସଭା ସାଂସଦ ଭାବେ ସୋନୋୱାଲଙ୍କୁ ଉପରାଷ୍ଟ୍ରପତି ଭେଙ୍କୟା ନାଇଡୁ ଶପଥ ପାଠ କରାଇଛନ୍ତି । ସୋନୋୱାଲଙ୍କ ବ୍ୟତୀତ ଡକ୍ଟର ଏଲ୍. ମୁରୁଗାନ ମଧ୍ୟ ରାଜ୍ୟସଭା ସଦସ୍ୟ ଭାବେ ଶପଥ ନେଇଛନ୍ତି । ସେହିପରି ଆଜି ଶପଥ ଗ୍ରହଣ ପୂର୍ବରୁ ସୋନୋୱାଲ ବୈଜୟନ୍ତଙ୍କ ପରାମର୍ଶ ଗ୍ରହଣ କରିଛନ୍ତି । ଏହା ଆସାମ ସାଙ୍ଗକୁ ଓଡ଼ିଶାର ବିକାଶକୁ ପ୍ରଭାବିତ କରିବ ବୋଲି ରାଜନୈତିକ ସମୀକ୍ଷକ ତଥା ବୈୟଜନ୍ତଙ୍କ ପ୍ରଶଂସକ ମଧ୍ୟ ଚର୍ଚ୍ଚା ହେଉଛି ।