ସ୍ୱିମିଂ ପୁଲ୍‌ରେ ମହିଳା କନଷ୍ଟେବଲଙ୍କ ସହ ଡିଏସ୍‌ପିଙ୍କ ଅଶ୍ଲୀଳ କାରନାମା,ଭିଡିଓ ଭାଇରାଲ୍‌ ପରେ ଗିରଫ

ଜୟପୁର: ମହଙ୍ଗା ପଡ଼ିଲା ସ୍ୱିମିଂ ପୁଲ୍‌ରେ ମହିଳା କନଷ୍ଟେବଲଙ୍କ ସହ ପୋଲିସ୍‌ ବାବୁଙ୍କ ଅଶ୍ଲୀଳ କାରନାମା। ସୋସିଆଲ୍‌ ମିଡିଆରେ ଭିଡିଓ ଭାଇରାଲ୍‌ ପରେ ରାଜସ୍ଥାନ ଉଦୟପୁରର ଏକ ରିସର୍ଟରୁ ଡିଏସ୍‌ପି ହୀରାଲାଲ୍‌ଙ୍କୁ ଗିରଫ କରାଯାଇଛି। ରାଜସ୍ଥାନ ସ୍ପେଶାଲ ଅପରେସନ୍‌ ଗ୍ରୁପ ଉକ୍ତ ରିସର୍ଟରେ ରେଡ୍‌ କରି ଡିଏସ୍‌ପିଙ୍କୁ ଗିରଫ କରିଛନ୍ତି। ଏହି ରିସର୍ଟରେ ସମ୍ପୃକ୍ତ ଡିଏସ୍‌ପି ଓ ମହିଳା କନଷ୍ଟେବଲ ଥିଲେ। ଯାହା ଭାଇରାଲ ଭିଡିଓରେ ଦେଖିବାକୁ ମିଳିଛି। 

ଭାଇରାଲ୍‌ ଭିଡିଓରେ ଦେଖିବାକୁ ମିଳିଛି, ଏକ ରିସର୍ଟର ସ୍ୱିମିଂ ପୁଲ୍‌ରେ ମହିଳା କନଷ୍ଟେବଲଙ୍କ ସହ ଡିଏସ୍‌ପି ଅଶ୍ଲୀଳ କାରନାମା କରୁଛନ୍ତି। ଏହି ସମୟରେ ସେମାନଙ୍କ ନିକଟରେ ଏକ ଛୋଟ ଛୁଆ ମଧ୍ୟ ଉପସ୍ଥିତ ଥିବା ନଜର ଆସୁଛି। ପୋଲିସ୍‌ ଅଧିକାରୀଙ୍କ ଏହି ଅଶ୍ଲୀଳ ଭିଡିଓ ଭାଇରାଲ୍‌ ହେବାପରେ ହଇଚଇ ସୃଷ୍ଟି କରିଥିଲା। ଉକ୍ତ ମହିଳାଙ୍କ ସହ ଜଣେ ଛୋଟ ଛୁଆ ଥିବାରୁ ତାଙ୍କୁ ଗିରଫ କରାଯାଇ ନାହିଁ। ଗୁରୁବାର ବିଳମ୍ବିତ ରାତିରେ ଉକ୍ତ ରିସର୍ଟରେ ରେଡ୍‌ କରାଯାଇ ଡିଏସ୍‌ପି ହୀରାଲାଲ୍‌ଙ୍କୁ ଗିରଫ କରାଯାଇଥିଲା।

ଭିଡିଓ ଭାଇରାଲ ପରେ ସମ୍ପୃକ୍ତ ମହିଳା କନଷ୍ଟେବଲଙ୍କ ସ୍ୱାମୀ ଥାନାରେ ମାମଲା ରୁଜୁ କରିବାକୁ ଯାଇଥିଲେ। ହେଲେ ମାମଲା ରୁଜୁ ହୋଇନଥିଲା ବୋଲି ଜଣାପଡ଼ିଛି। ଅଭିଯୋଗ ଆସିଛି ଯେ, ଭିଡିଓ ଭାଇରାଲ୍‌ ପରେ ମହିଳା କନଷ୍ଟେବଲଙ୍କ ସ୍ୱାମୀ ଥାନାରେ ପହଞ୍ଚି ଥିଲେ। ହେଲେ ଏହି ଘଟଣାରେ ଡିଏସ୍‌ପି ସମ୍ପୃକ୍ତ ଥିବାରୁ କୌଣସି ମାମଲା ରୁଜୁ ହୋଇନଥିଲା।

Also Read

ତେଲ ଦେବା ବେଳେ ଆପଣଙ୍କୁ ଏମିତି ଠକିଥାନ୍ତି ପେଟ୍ରୋଲ ପମ୍ପ କର୍ମଚାରୀ

ନିଜ ପିଲାକୁ ସୈତାନର ପିଲା କହିଲା ବାପା। ମାଆ ଓ ପୁଅଙ୍କୁ ଘରୁ ବାହାର କରିଦେଲା…

୫୧ ଲିଟର୍‌ ତେଲ ପକାଇଲେ ବିଧାୟକ। ହେଲେ ଗାଡ଼ି ଗଲା ମାତ୍ର ୫୦୦ ମିଟର

ତେବେ ଏହି ଘଟଣାରେ ଡିଏସ୍‌ପି ଓ ଉକ୍ତ ମହିଳା କନଷ୍ଟେବଲଙ୍କୁ ନିଲମ୍ବିତ କରାଯାଇଥିବା ସୂଚନା ମିଳିଛି। ଏସବୁ ଭିତରେ ଡିଏସ୍‌ପି ହୀରାଲାଲ୍‌ ଓ ଉକ୍ତ ମହିଳା କନଷ୍ଟେବଲଙ୍କ ଆଉ ଏକ ଅଶ୍ଲୀଳ ଭିଡିଓ ସାମ୍ନାକୁ ଆସିଛି। ଯେଉଁଥିରେ ଲେଖାଯାଇଛି ଭିଡିଓ ପାର୍ଟ-୨। ଅନ୍ୟପକ୍ଷେ, ପୁରା ମାମଲାର ଯାଞ୍ଚ SOG ମୁଖ୍ୟାଳୟ ପକ୍ଷରୁ କରାଯାଉଛି। ଭିଡିଓ କିଏ କଲା ? କିଏ ଭାଇରାଲ୍‌ କଲା ସେନେଇ ଛାନ୍‌ଭିନ୍‌ ଚାଲିଛି।