ଉଦ୍ଧବ ଠାକ୍‌ରେଙ୍କ ଉପରେ ବର୍ଷିଲେ ନାରାୟଣ ରାଣେ

ମୁମ୍ବାଇ : ଜାମିନ ପାଇବା ପରେ କେନ୍ଦ୍ରମନ୍ତ୍ରୀ ନାରାୟଣ ରାଣେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଟାର୍ଗେଟ କରିଛନ୍ତି। ତାଙ୍କ କହିବା କଥା ସେ ଯାହା କହିଛନ୍ତି, ସେଥିରେ ସେ ଅଟଳ। ସେ କହିଛନ୍ତି ଯେ- “ମୁଁ ଏମିତି କ’ଣ କହିଲି ଯେ ଯାହା ଦ୍ୱାରା ସେହି ଲୋକମାନେ ରାଗିଗଲେ? ମୁଁ କହିଲି ଯେ ଯିଏ ନିଜ ଦେଶ ପାଇଁ ଗର୍ବ କରେ ନାହିଁ, ଯିଏ ନିଜର ଜାତୀୟ ପର୍ବକୁ ମନେ ରଖେ ନାହିଁ, ମୋର ଏହି କଥାଗୁଡ଼ିକ ରେକର୍ଡ କରାଯାଇଛି। ତେବେ ମୁଖ୍ୟମନ୍ତ୍ରୀ କ’ଣ କହିଥିଲେ? ଯିଏ ମାତୋଶ୍ରୀଙ୍କ ବିରୁଦ୍ଧରେ କହିବ, ତା’ର ମୁହଁ ଭାଙ୍ଗିଦିଆଯିବ। ଏହା ଅପରାଧ ନୁହେଁ କି?”

ଏହି ପ୍ରସଙ୍ଗରେ ନାରାୟଣ ରାଣେ ମଧ୍ୟ ଶରଦ ପାୱାରଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି, “ଆଉ ଏକ ବିବୃତ୍ତି ଯୋଗୀ ସାହେବଙ୍କ ବିଷୟରେ ଦିଆଯାଇଥିଲା। କୁହାଯାଇଥିଲା ଯେ ସେ ଜଣେ ଯୋଗୀ ନା କପଟୀ ? ଅନ୍ୟାନ୍ୟ ଆପତ୍ତିଜନକ ଶବ୍ଦ ମଧ୍ୟ କୁହାଯାଇଥିଲା। ଏହା କ’ଣ ସବୁ ସଂସ୍କାରିକ ଶବ୍ଦ? ବାଃ ପାୱାର ସାହେବ! ଆପଣ ଜଣେ ସଂସ୍କାରିକ ବ୍ୟକ୍ତିଙ୍କୁ ମୁଖ୍ୟମନ୍ତ୍ରୀ କରିଛନ୍ତି।”

Also Read

ଆଗ୍ନେୟଗିରି ଉଦ୍‌ଗିରଣ ବିଶ୍ୱ ତାପମାତ୍ରାର ପ୍ରମୁଖ କାରଣ

ସାଇକେଲ ପାଇଁ ଦାଦାକୁ ମାରିଦେଲା ପୁତୁରା, ଭଉଣୀ ହାତକୁ କାଟିଦେଲା

ଆମେ ଯାହା ଆଶଙ୍କା କରିଥିଲୁ ତାହା ହିଁ ହେଲା ଆଫଗାନିସ୍ତାନରେ: CDS ବିପିନ ରାୱତ

ସାମ୍ବାଦିକ ସମ୍ମିଳନୀରେ ରାଣେ କହିଛନ୍ତି ଯେ “ମୁଁ ଅନୁଭବ କରୁଛି ଯେ କିଛି ଲୋକ ମୃତ୍ୟୁବରଣ କରିଥିବା ବନ୍ଧୁତା ଏବଂ ବିଶ୍ୱାସର ଅବୈଧ ଲାଭ ଉଠାଇଛନ୍ତି। ଜନ ଆଶୀର୍ବାଦ ଯାତ୍ରା ଏନେଇ ଆୟୋଜିତ ହୋଇଥିଲା ଯାହା ଦ୍ୱାରା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କାମ ସମସ୍ତଙ୍କ ନିକଟରେ ପହଞ୍ଚି ପାରିବ।” ସେ ଆହୁରି କହିଛନ୍ତି ଯେ “ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସମସ୍ତ ନୂତନ ମନ୍ତ୍ରୀଙ୍କୁ ଲୋକଙ୍କଠାରୁ ଆଶୀର୍ବାଦ ନେବାକୁ କହିଥିଲେ। ଏ ମଧ୍ୟରେ ମୋର ଦୁଇ ଦିନ ଚାଲିଗଲାଣି। ମୁଁ ପୁଣିଥରେ ସିନ୍ଧୁଦୁର୍ଗରୁ ମୋର ଏହି ଯାତ୍ରା ଆରମ୍ଭ କରିବି।”

ପ୍ରକାଶଥାଉ ଯେ ମଙ୍ଗଳବାର ରାତିରେ ରାୟଗଡ ଜିଲ୍ଲାର ମହାଦ କୋର୍ଟରେ ନାରାୟଣ ରାଣେଙ୍କୁ ଜାମିନ ପ୍ରଦାନ କରାଯାଇଛି। ବିଜେପି ନେତା ରାଣେଙ୍କ ଓକିଲ ଅନିକେତ ନିକମ ଅଭିଯୋଗ କରିଛନ୍ତି ଯେ ରାଣେଙ୍କୁ ଗିରଫ କରିବା ପୂର୍ବରୁ ପୋଲିସ ଆଇନ ପ୍ରକ୍ରିୟାକୁ ଅନୁସରଣ କରିବାରେ ବିଫଳ ହୋଇଛି ଏବଂ ସେ ତାଙ୍କ ଗିରଫଦାରୀକୁ ବିରୋଧ କରିବେ।