LIVE TV
ମହାରାଷ୍ଟ୍ରରେ କଷ୍ଟମ୍ ବିଭାଗକୁ ମିଳିଲା ବଡ଼ ସଫଳତା । ମୁମ୍ବାଇ କଷ୍ଟମ୍ ଟିମ୍ ମୁମ୍ବାଇ ବିମାନ ବନ୍ଦରରୁ ୪.୪୪ କୋଟି ଟଙ୍କା ମୂଲ୍ୟର ସୁନା ଏବଂ ୨.୨ କୋଟି ଟଙ୍କା ମୂଲ୍ୟର ହୀରା ଜବତ କରିଛି । ୧୩ ଟି ଭିନ୍ନ ଭିନ୍ନ ମାମଲାରେ ମୋଟ ୬.୪୬ କୋଟି ଟଙ୍କା ମୂଲ୍ୟର ଚୋରା ସାମଗ୍ରୀ ଜବତ କରିଛି କଷ୍ଟମ୍ ବିଭାଗ । ଯାତ୍ରୀ ଜଣକ ତାଙ୍କ ଅନ୍ତବସ୍ତ୍ରରେ ସୁନା ଲୁଚାଇ ଆଣୁଥିବାବେଳେ କଷ୍ଟମ୍ ବିଭାଗ ଜବତ କରିଛି । ସେହିପରି ଆଉ ଜଣେ ଯାତ୍ରୀ ନୁଡୁଲ୍ସ ପ୍ୟାକେଟରେ ହୀରାକୁ ଲୁଚାଇ ଆଣୁଥିବାବେଳେ ଧରାପଡ଼ିଛନ୍ତି ।
Also Read
#WATCH | Maharashtra: During 19-21 April, 2024, Mumbai Customs seized over 6.815 Kg of gold valued at Rs 4.44 crores and diamonds valued at Rs 2.02 crores, total amounting to Rs 6.46 crores across 13 cases. Diamonds were found concealed in noodle packets. Four Passengers were… pic.twitter.com/02LzDS1aDZ
— ANI (@ANI) April 22, 2024
ନ୍ୟୁଜ୍ ଏଜେନ୍ସି ANI ର ସୂଚନା ଅନୁଯାୟୀ, ଚୋରା ଚାଲାଣକାରୀମାନେ ହୀରାକୁ ନୁଡୁଲ୍ସର ପ୍ୟାକେଟରେ ଲୁଚାଇ ରଖିଥିଲେ, ଯାହାଫଳରେ କେହି ଏହାକୁ ସନ୍ଦେହ କରିପାରିବେ ନାହିଁ, କିନ୍ତୁ କଷ୍ଟମ୍ ବିଭାଗ ଯାଞ୍ଚ ସମୟରେ ଏହାକୁ ଜବତ କରିଥିଲା । ଏହି ମାମଲାରେ କଷ୍ଟମ୍ ବିଭଗ ମୋଟ୍ ୪ ଜଣଙ୍କୁ ଗିରଫ କରିଛି ।
କଷ୍ଟମ୍ ଟିମ୍ କଲମ୍ବୋରୁ ମୁମ୍ବାଇ ଅଭିମୁଖେ ଯାତ୍ରା କରୁଥିବା ଜଣେ ବିଦେଶୀ ନାଗରିକକୁ ଅଟକ ରଖିଥିଲେ ଏବଂ ତାଙ୍କୁ ଯାଞ୍ଚ କରିବା ପରେ ତାଙ୍କଠୁ ୩୨୧ ଗ୍ରାମର ସୁନା ମିଳିଥିଲା । ଯାହାକୁ ସେ ତାଙ୍କ ଅନ୍ତବସ୍ତ୍ର ଭିତରେ ଲୁଚାଇ ନେଉଥିଲେ ।
ସୂଚନା ଅନୁଯାୟୀ, ଦୁବାଇ , ଆବୁଧାବି , ବାହାରୀନ , ଦୋହା , ରିୟାଦ , ମସ୍କଟ , ବ୍ୟାଙ୍କକ୍ ଏବଂ ସିଙ୍ଗାପୁରର ମୋଟ୍ ୧୦ ଜଣ ଲୋକଙ୍କୁ ଅଟକ ରଖିଥିଲା କଷ୍ଟମ୍ ବିଭାଗ। ଯାଞ୍ଚ ପରେ ତାଙ୍କ ବ୍ୟାଗ୍ ଭିତରୁ ୪.୦୪ କୋଟି ଟଙ୍କା ମୂଲ୍ୟର ୬.୧୯୯ କିଲୋଗ୍ରାମର ସୁନା ଉଦ୍ଧାର କରାଯାଇଥିଲା । ଏହି ମାମଲାରେ ୩ ଜଣଙ୍କୁ ଗିରଫ କରାଯାଇଛି ।
ସେହିପରି ମୁମ୍ବାଇରୁ ବ୍ୟାଙ୍କକ୍କୁ ଯାଉଥିବା ଜଣେ ଯାତ୍ରୀଙ୍କୁ ଅଟକାଇ ଯାଞ୍ଚ କରିଥିଲା କଷ୍ଟମ୍ ଟିମ୍ । ଯାଞ୍ଚ ପରେ ସେହି ଯାତ୍ରୀଙ୍କ ନିକଟରୁ ହୀରା ମିଳିଥିଲା । ସେ ଚତୁରତାର ସହିତ ଏହି ହୀରାଗୁଡ଼ିକୁ ତାଙ୍କ ଟ୍ରଲି ବ୍ୟାଗ ଭିତରେ ନୁଡୁଲ୍ସ ପ୍ୟାକେଟରେ ଲୁଚାଇ ରଖିଥିଲେ । ତାଙ୍କଠାରୁ ୨.୦୨ କୋଟି ଟଙ୍କାର ହୀରା ଜବତ କରାଯାଇଥିଲା । ଏହାପରେ ଉକ୍ତ ବ୍ୟକ୍ତିଙ୍କୁ ତୁରନ୍ତ ଗିରଫ କରାଯାଇ ନ୍ୟାୟିକ ହେପାଜତକୁ ପଠାଇ ଦିଆଯାଇଛି ।
