Pramod Behera

ନୂଆଦିଲ୍ଲୀ : ପଶୁପକ୍ଷୀ ଅନେକଙ୍କର ପ୍ରିୟ ହୋଇଥାନ୍ତି। ବୁଲା ପଶୁପକ୍ଷୀଙ୍କୁ ଅନେକ ପ୍ରେମ କରୁଥିବା ବେଳେ କିଛି ଘରେ ମଧ୍ୟ ପାଳିଥାନ୍ତି। ସେମାନେ ତାଙ୍କୁ ନିଜର ପିଲା ଭଳି ପାଳିବା ସହ ତାଙ୍କର ସବୁ ପ୍ରକାର ଯତ୍ନ ନେଇଥାନ୍ତି। କିଛି ଲୋକ ସେମାନଙ୍କର ଗୃହପାଳିତ ପଶୁମାନଙ୍କୁ ନିଜର ଜୀବନ ମଧ୍ୟ ଭାବନ୍ତି। ସେମାନଙ୍କ ସୁଖରେ ସୁଖୀ ହେବା ସହ ଦୁଃଖରେ ଦୁଃଖୀ ମଧ୍ୟ ହୋଇଯାଆନ୍ତି।

କେତେକ ଗୃହପାଳିତ ପଶୁପ୍ରେମୀ ସେମାନଙ୍କ ଗୃହପାଳିତ ପଶୁମାନଙ୍କ ସପିଂ ପାଇଁ ହଜାର ହଜାର, ଲକ୍ଷ ଟଙ୍କା ଖର୍ଚ୍ଚ କରୁଥିବାବେଳେ କେତେକ ସେମାନଙ୍କୁ ଆରାମଦାୟକ ଜୀବନ ଦେବା ପାଇଁ ପାଣି ପରି ଟଙ୍କା ଖର୍ଚ୍ଚ କରନ୍ତି। କିନ୍ତୁ ଜଣେ ଗୃହପାଳିତ ପଶୁ ପ୍ରେମୀ ତାଙ୍କର ସମସ୍ତ ସୀମା ଅତିକ୍ରମ କରିଛନ୍ତି। ଏହି ବ୍ୟକ୍ତି ଭ୍ରମଣ ସମୟରେ ମଧ୍ୟ ତାଙ୍କ ପ୍ରିୟ କୁକୁରକୁ ତାଙ୍କ ପାଖରେ ରଖିବା ପାଇଁ ଏକ ବ୍ୟକ୍ତିଗତ ଜେଟ୍‌କୁ ମୋଡିଫିକେଶନ କରିଛନ୍ତି।

ଦି ସନ୍ ସୁଚନା ଅନୁଯାୟୀ, ବୃତ୍ତିରେ ପାଇଲଟ୍ ଜଷ୍ଟିନ କୋଲେମାନ ତାଙ୍କ କୁକୁର ଗସ୍‌କୁ ବହୁତ ଭଲ ପାଆନ୍ତି ଏବଂ ତାଙ୍କୁ ସବୁବେଳେ ତାଙ୍କ ସହ ରଖିବାକୁ ପସନ୍ଦ କରନ୍ତି। ଏହି କାରଣରୁ ସେ ନିଜ ବିମାନରେ କିଛି ପରିବର୍ତ୍ତନ କରି ଏକ ସ୍ୱତନ୍ତ୍ର ସିଟ୍ ତିଆରି କରିଛନ୍ତି। ଗସ୍ ତାଙ୍କ ମାଲିକ ଜଷ୍ଟିନଙ୍କ ସହ RV-9A ବିମାନରେ ସେବେଠାରୁ ଭ୍ରମଣ କରୁଛି ଯେବେ ସେ ୧୨ ସପ୍ତାହର ହୋଇଥିଲା। ସେ ଏହି ଉଡାଣରେ ବହୁତ ଉପଭୋଗ କରୁଥିବା ଦେଖାଯାଏ। ଏଥିସହିତ ଜଷ୍ଟିନ୍‌ କହିଛନ୍ତି ଯେ ବିମାନରେ ଥିବା ମଣିଷ ଅପେକ୍ଷା ସେ ତାଙ୍କ ପୋଷା ଗୁସ୍ ସହିତ ଅଧିକ ସହଜ ଅନୁଭବ କରନ୍ତି।

ଡେନ୍‌ଭର୍‌ରେ ରହୁଥିବା ୪୨ ବର୍ଷୀୟ ଜଷ୍ଟିନ କୁହନ୍ତି ଯେ ସେ ଯାତ୍ରୀ ବସୁଥିବା ସାଇଡ୍ ସିଟ୍‌କୁ ଉଠେଇ ଦେଇଛନ୍ତି, ଯାହାଫଳରେ କେହି ଭୁଲରେ ବି ଏହି ବିମାନରେ ହଠାତ୍ ବସିପାରିବେ ନାହିଁ। ସେ ଆହୁରି କହିଛନ୍ତି ଯେ ତାଙ୍କ କୁକୁର ଗସ୍ ବ୍ୟତୀତ, ବର୍ତ୍ତମାନ ଜନ୍ମ ହୋଇଥିବା ଛୋଟ ପପି ଡୋରା ମଧ୍ୟ ସେମାନଙ୍କ ସହିତ ଉଡ଼ିବା ଆରମ୍ଭ କରିଛି ଏବଂ ସେ ମଧ୍ୟ ତାଙ୍କ ସହିତ ବହୁତ ଉପଭୋଗ କରୁଛି ବୋଲି ସେ କହିଛନ୍ତି।

Other Stories