ବହିଷ୍କୃତ କନେଷ୍ଟବଲ ପ୍ରସନ୍ନ ବେହେରାଙ୍କ ଘରେ ଭିଜିଲାନ୍ସ ରେଡ୍‌

ଭୁବନେଶ୍ୱର: ବହିଷ୍କୃତ କନେଷ୍ଟବଲ ପ୍ରସନ୍ନ ବେହେରାଙ୍କ ପାଇଁ ବଢ଼ିଲା ଅଡ଼ୁଆ। ପ୍ରସନ୍ନଙ୍କ ଘର, ହୋଟେଲ ଓ କିଛି ବ୍ୟବସାୟ ଅନୁଷ୍ଠାନରେ ଭିଜିଲାନ୍ସ ଟିମ୍‌ ରେଡ୍‌ କରିଛି। ଏକକାଳୀନ ୫ଟି ସ୍ଥାନରେ ଭିଜିଲାନ୍ସ ଚଢ଼ଉ କରିଥିବା ଜଣାପଡ଼ିଛି। ଚଢ଼ାଉରେ ୫ଟି ଟିମ୍‌ରେ ୨ ଜଣ DSP, ୫ ଇନ୍ସିପେକ୍ଟର ସାମିଲ୍ ଅଛନ୍ତି।

କଳ୍ପନା ଛକରେ ଥିବା ପ୍ରମୋଦଙ୍କ ସରକାରୀ କ୍ୱାର୍ଟର୍ସ, ଡୁମଡୁମା ସ୍ଥିତ ସ୍ପାର୍କ ଫର୍ଣ୍ଣିଚର, ଲିଙ୍ଗିପୁର ଶାନ୍ତି ବିହାର ଫର୍ଣ୍ଣିଚର ୱାର୍କସପ୍, ପାତ୍ରପଡ଼ା ସ୍ଥିତ ସାଉଥ୍‌ ସିଟି ହୋଟେଲ, ଖୋର୍ଦ୍ଧା ଜିଲ୍ଲା ନୂଆପଡ଼ା ପୈତୃକ ଗାଁରେ ଥିବା ୨ ମହଲା ଘରେ ଭିଜିଲାନ୍ସ ଟିମ୍‌ ରେଡ୍‌ କରିଥିବା ସୂଚନା ମିଳିଛି। 

Also Read

ଚାକିରିରୁ ତଡ଼ା ଖାଇଲେ ପ୍ରସନ୍ନ

ମନୀଷ ଅନୁରାଗ ହତ୍ୟା ମାମଲା: ଖୋଲିଲା ସାଉଥ୍‌ ସିଟି ବାରର ଅସଲ ରୂପ

ବିଲ୍ ପେମେଣ୍ଟ ପାଇଁ ମନୀଷଙ୍କୁ ହତ୍ୟା!

ସୂଚନାଥାଉ କି, ବହୁ ଚର୍ଚ୍ଚିତ ମନୀଷ ମୃତ୍ୟୁ ମାମଲାରେ ସାଉଥ୍‌ ସିଟି ହୋଟେଲ ନାଁ ସାମ୍ନାକୁ ଆସିଥିଲା। କୋଭିଡ୍ ନିୟମ ଉଲ୍ଲଂଘନ ଓ ବିନା ଲାଇସେନ୍ସରେ ବାର୍ ଚାଲିଥିବାରୁ ସାଉଥ୍‌ ସିଟି ହୋଟେଲ୍‌କୁ ସିଲ୍ କରାଯାଇଥିଲା। ପ୍ରସନ୍ନ ନିଜ ଭାଇଙ୍କ ନାଁରେ ସାଉଥ୍‌ ସିଟି ହୋଟେଲ ଚଲାଉଥିବା ଅଭିଯୋଗ ରହିଛି। ଏହାପରେ ପ୍ରସନ୍ନଙ୍କୁ ଚାକିରିରୁ ବହିଷ୍କାର କରିବା ସହ ଗିରଫ କରାଯାଇଥିଲା।