ରାଜ୍ୟର ସବୁ ମେଡିକାଲ କଲେଜ ଖୋଲିବାକୁ ସରକାରଙ୍କ ନିଷ୍ପତ୍ତି

ଭୁବନେଶ୍ୱର: ରାଜ୍ୟର ସବୁ ମେଡିକାଲ କଲେଜ ଖୋଲିବାକୁ ସରକାରଙ୍କ ନିଷ୍ପତ୍ତି । ମେଡିକାଲ କଲେଜ ସହ ଅନ୍ୟାନ୍ୟ ଚିକିତ୍ସା ବିଜ୍ଞାନ ଅନୁଷ୍ଠାନ ମଧ୍ୟ ଖୋଲିବ । ଏହାସହ ଖୋଲିବ ନର୍ସିଂ, ଫାର୍ମାସୀ, ଫିଜିଓଥେରାପୀ କଲେଜ । ଏନେଇ ଆଜି ସରକାରଙ୍କ ପକ୍ଷରୁ ନିଷ୍ପତି ନିଆଯାଇଛି ।

କୋଭିଡ୍ ଗାଇଡ୍ ଲାଇନ୍ ମଧ୍ୟରେ ଖୋଲିବ ସମସ୍ତ କଲେଜ । DMETଙ୍କୁ ଗାଇଡ୍ ଲାଇନ୍ ଜଣାଇଲେ ରାଜ୍ୟ ସ୍ୱାସ୍ଥ୍ୟ ବିଭାଗ ACS । ପୂର୍ବ ପରି ଏହି ସମସ୍ତ କଲେଜର ଥିଓରୀ କ୍ଲାସ୍ ଅନ୍‌ଲାଇନ୍ ମାଧ୍ୟମରେ ହେବ । ୫୦ ପ୍ରତିଶତ ପିଲାଙ୍କୁ ନେଇ ପ୍ରାକ୍ଟିକାଲ ଓ କ୍ଲିନିକାଲ କ୍ଲାସ୍ ଆୟୋଜନ ହେବ ।

Also Read

୩୧ରେ ପ୍ରକାଶ ପାଇବ ଯୁକ୍ତ ୨ ବିଜ୍ଞାନ ଓ ବାଣିଜ୍ୟ ଫଳ

ବଂଚିଥିବା ଅବସ୍ଥାରେ ନୁହେଁ ବରଂ ମଲା ପରେ ମିଳିଲା ନ୍ୟାୟ

ମହର୍ଷି ବାତ୍ସାୟନ ଆଜୀବନ ବ୍ରହ୍ମଚାରୀ ଥାଇ ବି କିପରି ଲେଖିଲେ ‘କାମସୂତ୍ର’

କଲେଜକୁ ଆସିବା ଲାଗି ଅଭିଭାବକଙ୍କ ଲିଖିତ ଅନୁମତି ବାଧ୍ୟତାମୂଳକ କରାଯାଇଛି । ଟିକା ନେଇଥିବା ଓ ନନେଇଥିବା ଛାତ୍ରଛାତ୍ରୀଙ୍କୁ ଅଲଗା ଗ୍ରୁପ କରାଯିବ । ହଷ୍ଟେଲ ଓ ଲାଇବ୍ରେରୀ ପାଇଁ ସମାନ ନିୟମ ଲାଗୁ ହେବ । କ୍ୟାମ୍ପସରେ ସାମାଜିକ, ଧାର୍ମିକ ବା କ୍ରୀଡା କାର୍ଯ୍ୟକ୍ରମକୁ ସମ୍ପୂର୍ଣ୍ଣ ବାରଣ କରାଯାଇଛି । କୋଭିଡ୍ ପଜିଟିଭ ଚିହ୍ନଟ ହୋଇଥିଲେ ଛାତ୍ରଛାତ୍ରୀଙ୍କୁ ପରୀକ୍ଷା ହଲ୍ ଆସିବା ମନା ।