ଅଙ୍କିତ୍‌ ଧାନକୁ ନେଇ ସ୍ୱପ୍ନ ଦେଖୁଛି ଚାଷୀ, ଜାଣନ୍ତୁ ଏଥିରେ କଣ ରହିଛି ଭିନ୍ନତା?

ବଲାଙ୍ଗୀର(ଘଟେଶ୍ୱର ମିଶ୍ର): ଚିର ମରୁଡି ପ୍ରପୀଡିତ ବଲାଙ୍ଗିର ଜିଲ୍ଲା । ଜିଲ୍ଲାରେ ଜଳସେଚନର ସୁବିଧା ନଥିବାରୁ ଚାଷୀ ବର୍ଷା ପାଣି ଉପରେ ନିର୍ଭର କରିଥାଆନ୍ତି । କିନ୍ତୁ ପ୍ରତ୍ୟେକ ବର୍ଷ ବର୍ଷା ଅଭାବରୁ ଧାନ ଗଛ ମରିଯାଇ ମରୁଡିର ସମ୍ମୁଖିନ ହୋଇଥାଏ ଚାଷୀ । ତେଣୁ ମରୁଡି ପରିସ୍ଥିତିରେ ବି ବଂଚିଯାଇ, ଅଧିକ ଧାନ ଅମଳ ଦେଉଥିବା ଧାନ ବିହନକୁ ନେଇ ବଲାଙ୍ଗିରରେ ଅର୍ନ୍ତଜାତୀୟ ଧାନ ଗବେଷଣା କେନ୍ଦ୍ର ଓ ରାଜ୍ୟ ସରକାରଙ୍କ ଦ୍ୱାରା ଚାଲିଥିଲା ଗବେଷଣା । ୧୮ ପ୍ରକାରର ଧାନ ବିହନକୁ ନେଇ ଗବେଷଣା ପରେ ଅଙ୍କିତ ନାମକ ଧାନ ବିହନକୁ ନେଇ ଦେଖାଦେଇଛି ନୂଆ ଆଶା । ବଲାଙ୍ଗିର ଚାଷୀଙ୍କ ପାଇଁ ବରଦାନ ହୋଇପାରେ ଏହି ଅଙ୍କିତ ଧାନ ।

Also Read

ସାବଧାନ!!! ପୃଥିବୀ ଆଡକୁ ମାଡି ଆସୁଛି ବିରାଟକାୟ ଧୂମକେତୁ

ଚୋର ଧରିଲା ନାହିଁ ପୋଲିସ୍‌, ଥାନା ସାମ୍ନାରେ ଭଜନ, କୀର୍ତ୍ତନ କଲେ ଅଂଚଳବାସୀ

ଝୁଟି ଖଡ଼ିର ମୂର୍ତ୍ତିକୁ ଦେଖିଲେ ଝଲସିଯିବ ଆପଣଙ୍କ ଆଖି....

ଚାଷ ଜମିରେ ଏକ୍ସପର୍ଟ ଟିମ ଅଛନ୍ତି । କୃଷି ବିଜ୍ଞାନୀଙ୍କ ସହିତ, ସାମିଲ ଅଛନ୍ତି ଚାଷୀ ଓ ଛାତ୍ରଛାତ୍ରୀ । ଧାନ ବିହନର ଗୁଣ ଗାରିମା ଓ ମହିମାକୁ ନେଇ ସମସ୍ତଙ୍କୁ ବୁଝାଉଛନ୍ତି ଏକ୍ସପର୍ଟ । ଆଉ ଏମିତି ଦୃଶ୍ୟ ଦେଖିବାକୁ ମିଳିଛି ବଲାଙ୍ଗିର ଲର୍କିପାଲି ଠାରେ ଥିବା ବିହନ ଗବେଷଣା କେନ୍ଦ୍ରରେ । ଫିଲିପାଇନସଠାରେ ଥିବା ଆର୍ନ୍ତଜାତୀୟ ବିହନ ଗବେଷଣା କେନ୍ଦ୍ର ପକ୍ଷରୁ ରାଜ୍ୟ ସରକାରଙ୍କ ସହାୟତାରେ ଧାନ ବିହନ ଉପରେ ଗବେଷଣା କରାଯାଇଥିଲା । ଭିନ୍ନ ଭିନ୍ନ ଦେଶ ତଥା ବିଭିନ୍ନ ରାଜ୍ୟର ଧାନ ଗବେଷଣା କେନ୍ଦ୍ର ମାନଙ୍କରେ ତିଆରି କରାଯାଇଥିବା ଧାନ ବିହନକୁ ନେଇ ଲର୍କିପାଲି ଠାରେ ଚାଷ କରାଯାଇଥିଲା ।

ବଲାଙ୍ଗିର ମାଟି ପାଇଁ କୋଉ ଧାନ ବିହନ ଉପଯୋଗୀ ତାହା ଉପରେ ଚାଲିଥିଲା ଗବେଷଣା । ଧାନ ବିହନ ହୃଷ୍ଟପୃଷ୍ଟ ହେବା ପରେ ଆଜି, କୃଷି ବିଗ୍ୟାନୀ ଓ ଏକ୍ସପର୍ଟ ମାନେ ଚାଷୀ ଏବଂ ଏଗ୍ରୋ ପଲିଟେକନିକ ର ଛାତ୍ରଛାତ୍ରୀଙ୍କୁ ବିହନ ସଂପର୍କରେ ବୁଝାଇଥିଲେ । ଏପରି କାର୍ଯ୍ୟକ୍ରମ ପ୍ରଶଂସା କରିଥିବା ବେଲେ, ଯେଉଁ ଧାନ ମରୁଡି ଅଂଚଳ ପାଇଁ ଉପଯୋଗୀ, ତାହା ଯେତେ ଶୀଘ୍ର ହେବ ଚାଷୀ ମାନଙ୍କ ପାଖରେ ପହଚାଂଇବା ପାଇଁ ରାଜ୍ୟ ସରକାରଙ୍କୁ ଅନୁରୋଧ କରିଛନ୍ତି ଚାଷୀ ।

Also Read

ଚୋର ଧରିଲା ନାହିଁ ପୋଲିସ୍‌, ଥାନା ସାମ୍ନାରେ ଭଜନ, କୀର୍ତ୍ତନ କଲେ ଅଂଚଳବାସୀ

ଝୁଟି ଖଡ଼ିର ମୂର୍ତ୍ତିକୁ ଦେଖିଲେ ଝଲସିଯିବ ଆପଣଙ୍କ ଆଖି....

ଏଇଠି ଚୋରା ଗାଡ଼ିକୁ କଟର୍‌ରେ କଟାଯାଉଛି, ଯଦି ଆପଣଙ୍କ ଗାଡ଼ି....

ବଲାଙ୍ଗିର ଜିଲ୍ଲାର ୮୦ ଶତକଡା ଚାଷୀ ଧାନ ଚାଷ ଉପରେ ନିର୍ଭର କରିଥାଆନ୍ତି । କିନ୍ତୁ ବର୍ଷା ଅଭାବରୁ ମରୁଡି ହୋଇ କ୍ଷତିଗ୍ରସ୍ତ ହୋଇଥାଏ ଚାଷୀ । ତେଣୁ ଚାଷୀକୁ ଦରକାର ମରୁଡିକୁ ସାମ୍ନା କରି ଅଧିକ ଅମଳ ଦେଉଥିବା ଧାନ ବିହନ । ଚାଷୀଙ୍କ ଦୁଃଖ ଦୂର କରିବା ପାଇଁ ଫିଲିପାଇନସଠାରେ ଥିବା ଅର୍ନ୍ତଜାତୀୟ ଧାନ ଗବେଷଣା କେନ୍ଦ୍ର ବା ଇରି, ବଲାଙ୍ଗିର ଠାରେ ଆରମ୍ଭ କରିଥିଲା ଗବେଷଣା । ୧୮ ପ୍ରକାରର ଧାନ ବିହନକୁ ନେଇ ଏକ୍ସପେରିମେଣ୍ଟ କରାଯାଇଥିବା ବେଳେ ଅଙ୍କିତ ନାମକ ଧାନ ବିହନକୁ ନେଇ ଦେଖାଦେଇଛି ନୂତନ ସମ୍ଭାବନା । ଅଳ୍ପ ପାଣିରେ ଗଛ ହୃଷ୍ଟପୃଷ୍ଟ ହୋଇ ଅଧିକ ଅମଳ ଦେବ ଏହି ଧାନ ବିହନ ।

ପାଟଣା ବିହନ ଗବେଷଣା କେନ୍ଦ୍ର ଦ୍ୱାରା ପ୍ରସ୍ତୁତ କରାଯାଇଥିବା ଏହି ଧାନ ବିହନ ବଲାଙ୍ଗିର ଚାଷୀଙ୍କ ପାଇଁ ବରଦାନ ହୋଇପାରେ ବୋଲି କହୁଛନ୍ତି ଏକ୍ସପର୍ଟ । ୧୮ ଟି ଧାନ ବିହନ ଭିତରେ ଅଧିକ ପରିମାଣରେ ଜିଙ୍କ ରହୁଥିବା କିଛି ଧାନ ବିହନକୁ ମଧ୍ୟ ଚୟନ କରାଯାଇଛି । କରୋନା ସମୟରେ ଏହି ଧାନରୁ ପ୍ରସ୍ତୁତ ଭାତ ଖାଇବା ଦ୍ୱାରା ଲୋକଙ୍କ ଇମ୍ୟୁନିଟି ବଢିବ ବୋଲି କୃଷି ବିଜ୍ଞାନି ମତ ଦେଇଛନ୍ତି । ଏସବୁ ଭିତରେ କିନ୍ତୁ ଫୋକସରେ ରହିଛି ଅଙ୍କିତ ଧାନ ବିହନ । ଆଜି ରିପୋର୍ଟ ପ୍ରସ୍ତୁତ କରି ଚାଷୀଙ୍କ ପାଇଁ ଏହି ଧାନ ବିହନ ଯୋଗେଇଦେବା ପାଇଁ ରାଜ୍ୟ ସରକାରଙ୍କୁ ପରାମର୍ଶ ଦେବ ଇରି ।