ଖତ ଖାଉଛି ସ୍ୱାଭିମାନ ଅଂଚଳର ଲାଇଫଲାଇନ୍ ‘ମୋଟର ଲଞ୍ଚ’

ମାଲକାନଗିରି: ମାଲକାନଗିରି ଜିଲ୍ଲା ଚିତ୍ରକୋଣ୍ଡାରେ ଯାତାୟାତ ପାଇଁ ପୂର୍ବରୁ ଅନେକ ମୋଟର ଲଞ୍ଚ ବାଲିମେଳା ଜଳ ଭଣ୍ଡାରରେ ଯାତାୟାତ କରୁଥିଲା । କିନ୍ତୁ ପ୍ରଶାସନର ରକ୍ଷଣାବେକ୍ଷଣା ଅଭାବରୁ ଏବେ ପ୍ରାୟ ବୋଟ ଅଚଳ ଓ ପରିତ୍ୟକ୍ତ ଅବସ୍ଥାରେ ପଡିରହି ନଷ୍ଟ ହେବାକୁ ବସିଛି । ମାତ୍ର ହାତ ଗଣତି କେତୋଟି ଲଞ୍ଚ ଚାଲୁଥିବା ବେଳେ ଅନ୍ୟ ସବୁ ଦଦରା ଅବସ୍ଥାରେ ପଡିରହିଛି । ପ୍ରଶାସନ ଏନେଇ ଦୃଷ୍ଟି ଦେବାକୁ ଦାବି ହୋଇଛି ।

Also Read

ଦୂଷିତ ପାଣି ପିଇ ୬ ଜଣଙ୍କ ଜୀବନ ଚାଲିଗଲା, ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତୀ

ଆର୍ୟନର ହାଇପ୍ରୋଫାଇଲ୍ ଓକିଲ ସତୀଶ ମନେଶିନ୍ଦେ, ଦିନେ ତାଙ୍କ ପାଇଁ ବେଲ ପାଇଥିଲେ ସଞ୍ଜୟ ଦତ୍ତ ଓ ସଲମାନ ଖାନ

ଜୀମ୍‌ରେ ମସଲ୍ ଦେଖେଇଲେ ରଣବୀର ସିଂହ

ଦିନେ ସ୍ୱାଭିମାନ ଅଂଚଳର ଲାଇଫଲାଇନ୍ ଥିଲା ମୋଟର ଲଞ୍ଚ । କିନ୍ତୁ ଆଜି ପରିତ୍ୟକ୍ତ ଅବସ୍ଥାରେ ଏଣେତେଣେ ପଡିରହିଛି । ଲକ୍ଷ ଲକ୍ଷ ଟଙ୍କାର ସାମଗ୍ରୀ ନଷ୍ଟ ହେବା ଉପରେ ବସିଛି । କିଏ ମାଟିରେ ମିଶିବାକୁ ବସିଲାଣି, କିଏ ପାଣିରେ ବୁଡି କଳଙ୍କି ଲାଗି ଗଲାଣି । ମାଲକାନଗିରି ଜିଲ୍ଲା ଚିତ୍ରକୋଣ୍ଡା ସ୍ୱାଭିମାନ ଅଂଚଳରେ ପୂର୍ବରୁ ଯିବା ଆସିବା କରିବାକୁ ବାଲିମେଳା ଜଳଭଣ୍ଡାରରେ ମୋଟର ଲଞ୍ଚ ଲୋକଙ୍କ ଏକମାତ୍ର ଭରସା । କିନ୍ତୁ ଗୁରୁପ୍ରିୟ ସେତୁ ନିର୍ମାଣ ପରେ ଏବେ ରାସ୍ତା ପାଲଟିଛି ଗମନାଗମନର ମୁଖ୍ୟ ମାଧ୍ୟମ । ଯାହା ଫଳରେ ମୋଟର ଲଞ୍ଚର ବ୍ୟବହାର କମିଯାଇଛି । ସିନ୍ଧିପୁଟ, ପଣସପୁଟ, ଆଲାମପକା, ରାମଗୁଡା ଭଳି ଗାଁକୁ ଏବେ ମାତ୍ର ୪ଟି ମୋଟର ଲଞ୍ଚ ଯାତାୟାତ କରୁଛି ।

ବିଭିନ୍ନ ପଞ୍ଚାୟତକୁ ଦିଆଯାଇଥିବା ସ୍ପିଡ଼ ବୋଟ ଗୁଡିକ ମଧ୍ୟ ଏବେ ଅଚଳ ହୋଇପଡିଛି । କେଉଁ ବୋଟ ଉପରେ ଥିବା ତାରପାଲ ଘୋଡଣି ବର୍ଷା ପାଣିରେ ନଷ୍ଟ ହୋଇଯାଇଛି ତ ଆଉ କେଉଁ ବୋଟ ଇଞ୍ଜିନ ଖରାପ ଥିବା ଯୋଗୁଁ ନଦୀ କୂଳରେ ପଡିରହିଛି । ହାତ ଗଣତି କେତୋଟି ମୋଟର ଲଞ୍ଚ ଚାଲୁଛି । ସରକାର କା ମାଲ୍ ଦରିୟା ମେ ଡାଲ୍ ନୀତିରେ ରକ୍ଷଣା ବେକ୍ଷଣା ଅଭାବରୁ ଏଗୁଡିକ କବାଡିରେ ବିକ୍ରି ହେବା ପରିସ୍ଥିତିରେ ଥିବା ଲୋକେ କହୁଛନ୍ତି । ପ୍ରଶାସନ ଏନେଇ ଦୃଷ୍ଟି ଦେବାକୁ ସ୍ଥାନୀୟ ଲୋକମାନେ ଦାବି କରିଛନ୍ତି ।