• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Prangyan Parimita

News Highlights

  • ଛତିଶଗଡ଼ ସିହାୱା ଶୀତଳା ମନ୍ଦିର ଯାଇଥିଲା ବେଳେ ଅଘଟଣ

  • ପରିବାର ସହ ବୁଲିବାକୁ ଯାଇଥିଲା ବେଳେ ବାଘ ଝାମ୍ପିନେଲା

  • ମୃତ ଦେହ ଉଦ୍ଧାର କଲା ବନ ବିଭାଗ; ପରିବାରକୁ ହସ୍ତାନ୍ତର

ନବରଙ୍ଗପୁର : ୬ ବର୍ଷର ପିଲାକୁ ଝାମ୍ପିନେଲା ବାଘ  । ଛତିଶଗଡ଼ ସିହାୱା ଶୀତଳା ମନ୍ଦିର ଯାଇଥିଲା ବେଳେ ଏପରି ଅଘଟଣ ଘଟିଛି । ପରିବାର ସହ ବୁଲିବାକୁ ଯାଇଥିଲା ବେଳେ ପିଲାକୁ ବାଘ ଝାମ୍ପି ନେଇଥିବା ସୂଚନା ମିଳିଛି । ନବରଙ୍ଗପୁର ରାଇଘର ବ୍ଲକ ତୁରୁଡିହିରୁ ଛତିଶଗଡ଼ ଯାଇଥିଲେ ମୃତକଙ୍କ ପରିବାର । ପୁଅକୁ ବାଘ ଝାମ୍ପି ନେଇଥିବା ଅଭିଯୋଗ କରିଛନ୍ତି ପରିବାର ଲୋକେ । ବର୍ତ୍ତମାନ ମୃତ ଦେହ ଉଦ୍ଧାର କରି ପରିବାରକୁ ହସ୍ତାନ୍ତର କରାଯାଇଛି ।

ନବରଙ୍ଗପୁର ଜିଲ୍ଲା ରାଇଘର ବ୍ଲକ ତୁରୁଡିହିର ନରେନ୍ଦ୍ର ଗଣ୍ଡଙ୍କ ପରିବାର ମାଆ ଶୀତଳା ଦେବୀଙ୍କୁ ଦର୍ଶନ କରିବାକୁ ଛତିଶଗଡ଼ର ଯାଇଥିଲେ । ସିହାୱା ପାହାଡ଼ ମାଆଙ୍କ ଦର୍ଶଦ ପାଇଁ କରିବା ପରେ ସନ୍ଧ୍ୟା ସମୟରେ ଫେରୁଥିଲେ । ହେଲେ ଦୁର୍ଭାଗ୍ୟର ବିଷୟ ଆଗରେ ଚାଲୁଥିବା ଅବିନାଶ ଉପରେ ଲମ୍ଫ ମାରିଲା କଳାପତରିଆ ବାଘ । ହାଁ ହାଁ କରୁ କରୁ ସବୁ ଶେଷ ହୋଇସାରିଥିଲା । ଆଉ ବାପା-ମାଆଙ୍କ ଆଖି ସାମ୍ନାରେ ଅବିନାଶକୁ ଝାମ୍ପି ନେଇଗଲା ବାଘ । ତେବେ ବାଘ ଅବିନାଶକୁ ନେଇ ଯାଉଥିବା ଦେଖି ମାଆଙ୍କ ଦର୍ଶନ କରି ଫେରୁଥିବା ଲୋକେ ପାଟିତୁଣ୍ଡ କରିଥିଲେ ।

ଖବର ପାଇ ବନ ବିଭାଗ ଓ ପୁଲିସ ସର୍ଚ୍ଚ ଅବିନାଶକୁ ଖୋଜିବା ଆରମ୍ଭ କରିଥିଲା । ଏକ ପଥର ଚଟାଣ ଉପରେ ଅବିନାଶର ମୃତ ଶରୀର ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ପାଇଥିଲା ବନ ବିଭାଗ । ତୁରନ୍ତ ତାକୁ ଉଦ୍ଧାର କରି ମେଡିକାଲ୍‌ରେ ଭର୍ତ୍ତି କରାଯାଇଥିଲା । ଆଉ ସେଠାରେ ଡାକ୍ତର ଅବିନାଶକୁ ମୃତ ଘୋଷଣା କରିଥିଲେ ।