କାବୁଲ ବୋମା ବିସ୍ପୋରଣରେ ୫ ନାଗରିକ ମୃତ; ସୂଚନା ଦେଲେ ତାଲିବାନ୍‌ ଗୃହ ମନ୍ତ୍ରାଳୟ ମୁଖପାତ୍ର

କାବୁଲ: କାବୁଲର ଏକ ମସଜିଦ୍‌ରେ ବୋମା ବିସ୍ପୋରଣ । ଗତକାଲିର ଏହି ବିସ୍ପୋରଣରେ ପ୍ରାୟ ୫ଜଣ ସାଧାରଣ ନାଗରିକଙ୍କ ମୃତ୍ୟୁ ହୋଇଥିବାର ତାଲିବାନ୍‌ ଗୃହ ମନ୍ତ୍ରାଳୟ ମୁଖପାତ୍ର ସୂଚନା ଦେଇଛନ୍ତି । ପ୍ରାଥମିକ ତଦନ୍ତରୁ ଜଣାପଡିଛି ଯେ ଏହି ବିସ୍ପୋରଣଟି ମସଜିଦ୍‌ ସ୍ଥିତ ରାସ୍ତା କଡରେ ହୋଇଛି । ହେଲେ ମସଜିଦ୍‌ ପ୍ରବେଶ ଦ୍ୱାରରେ ଥିବା ଲୋକମାନେ ଆହତ ହୋଇଛନ୍ତି । ଉକ୍ତ ଘଟଣାରେ ୩ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । କାବୁଲର ଇଡଗା ​​ମସଜିଦକୁ ଟାର୍ଗେଟ ଏହି ବିସ୍ଫୋରଣ କରାଯାଇଥିବାର ଜଣାପଡିଛି । ​​ଯେଉଁଠାରେ ତାଲିବାନ ମୁଖପାତ୍ର ଜାବୁଲ୍ଲା ମୁଜାହିଦ୍‌ଙ୍କ ମା’ଙ୍କ ସ୍ମୃତିରେ ପ୍ରାର୍ଥନାର ଆୟୋଜନ କରାଯାଇଥିଲା । ଏହି ଆକ୍ରମଣରେ ଅନେକ ସାଧାରଣ ନାଗରିକଙ୍କ ମୃତ୍ୟୁ ହୋଇଥିବା ନେଇ ମୁଜାହିଦ୍ ନିଜେ ଟ୍ୱିଟ୍ କରି ସୂଚନା ଦେଇଛନ୍ତି ।

ତାଲିବାନ ମୁଖପାତ୍ର ବିଲାଲ କାରୀବି ‘ଆସୋସିଏଟେଡ୍ ପ୍ରେସ୍‌କୁ’ କହିଛନ୍ତି, ଏହି ଆକ୍ରମଣରେ ତାଲିବାନ ଯୁବକଙ୍କ କୌଣସି କ୍ଷୟକ୍ଷତି ହୋଇନାହିଁ । ହେଲେ ଆକ୍ରମଣରେ ମସ୍‌ଜିଦ୍‌ର ବାହାରେ ଠିଆ ହୋଇଥିବା ସାଧାରଣ ନାଗରିକଙ୍କ ମୃତ୍ୟୁ ହୋଇଛି । କାବୁଲର ଏକ ଇଟାଲୀ ଅନୁଦାନ ପ୍ରାପ୍ତ ଡାକ୍ତରଖାନା ଟ୍ୱିଟ୍ କରି କହିଛି, ବିସ୍ଫୋରଣରେ ଆହତ ହୋଇଥିବା ଚାରି ଜଣଙ୍କୁ ତାଙ୍କ ହସ୍ପିଟାଲ୍‌ରେ ଭର୍ତ୍ତି କରାଯାଇଛି । ମସଜିଦ ଆଖପାଖ ଅଞ୍ଚଳରେ କର୍ଫ୍ୟୁ ଜାରି କରାଯାଇଥିବା ସହ ସେଠାରେ ବହୁ ସଂଖ୍ୟାରେ ତାଲିବାନୀ ଯୁବକ ଉପସ୍ଥିତ ଥିଲେ। ପରେ ଏହି ଅଞ୍ଚଳରୁ କର୍ଫ୍ୟୁକୁ ହଟାଇଦିଆଯାଇଥିଲା । ଏହି ବିସ୍ଫୋରଣଟି ସମ୍‌ଜିଦ୍‌ର ପ୍ରବେଶ ଦ୍ୱାରରେ ହୋଇଥିବାରୁ ସମ୍‌ଜିଦ୍‌ର ସାମାନ୍ୟ କ୍ଷତି ହୋଇଛି ।

Also Read

ଆନ୍ଦୋଳନରତ କୃଷକଙ୍କ ଉପରେ କାର୍‌ ଚଢ଼ାଇ ଦେଲେ ମନ୍ତ୍ରୀଙ୍କ ପୁଅ ! ହିଂସାକାଣ୍ଡରେ ୪ କୃଷକଙ୍କ ସମେତ ୮ ମୃତ

ପରିବାର ପୋଷଣ ଚିନ୍ତାରେ ପାନ ଚାଷୀ : ପାନ ଦର ମାନ୍ଦା ଥିବାବେଳେ ଚାଷ ପାଇଁ ବଢିଛି ଖର୍ଚ୍ଚ

ବଦଳିବ ରୂପେରଖ ! PPP ମୋଡ଼ରେ ବିକାଶ ହେବ ଭୁବନେଶ୍ୱର ରେଳଷ୍ଟେସନ

ତାଲିବାନର ଆଫଗାନିସ୍ତାନ ଦଖଲ ପରେ କାବୁଲ ଉପରେ ଇସଲାମିକ ଷ୍ଟେଟ ଆତଙ୍କବାଦୀ ଗୋଷ୍ଠୀଙ୍କ ଦ୍ୱାରା ଆକ୍ରମଣ ସଂଖ୍ୟାରେ ବୃଦ୍ଧି ଘଟିଛି । ବର୍ତ୍ତମାନ ଘଟଣାକୁ ଦୃଷ୍ଟିରେ ରଖିଲେ ଏହି ପରିସ୍ଥିତିରେ ଦୁଇ ଉଗ୍ରବାଦୀ ଗୋଷ୍ଠୀ ମଧ୍ୟରେ ବିବାଦର ଆହୁରି ବଢିବାର ସମ୍ଭାବନା ରହିଛି। ସେହିପରି ପୂର୍ବରୁ ମଧ୍ୟ ରାଜଧାନୀ ଜାଲାଲାବାଦରେ ଅନେକ ହତ୍ୟାକାଣ୍ଡ ଘଟିଛି । ବିସ୍ପୋରଣ ପୂର୍ବ ଦିନ ମଧ୍ୟ ସମାନ ହତ୍ୟାକାଣ୍ଡ ହୋଇଥିଲା । ଯାହାକୁ ନେଇ ଗତକାଲି ଏହି ବିସ୍ପୋରଣ କରାଯାଇଥିବାର ସନ୍ଦେହ କରାଯାଉଛି । ଅଗଷ୍ଟ ଶେଷରେ କାବୁଲ ଅନ୍ତର୍ଜାତୀୟ ବିମାନବନ୍ଦର ବାହାରେ ଆମେରିକାର ଥଇଥାନ ଉଦ୍ୟମକୁ ଟାର୍ଗେଟ କରି ଆଇଏସ୍‌ ଆତ୍ମଘାତୀ ଆକ୍ରମଣ କରିଥିଲା । ଯାହା ପରେ କାଲି ରାଜଧାନୀ ଉପରେ ପ୍ରଥମ ଥର ପାଇଁ ଆକ୍ରମଣ ହୋଇଛି ।