• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

News Highlights

  • ଚିକିତ୍ସା ବେଳେ କାନ୍ଦିବା ମହଙ୍ଗା ପଡିଲା

  • ମହିଳାଙ୍କୁ ଦେବାକୁ ହେଲା ଟଙ୍କା

ନ୍ୟୁୟର୍କ : ଭାବନ୍ତୁ ଯେ ତୁମେ ଚିକିତ୍ସା ପାଇଁ ଏକ ଡାକ୍ତରଖାନାକୁ ଯାଇଛ ଏବଂ ସେଠାରେ ତୁମର ଭାବନା ପ୍ରକାଶ କରିବାବେଳେ ତୁମ ଆଖିରୁ ଲୁହ ଆସିଯାଉଛି, ଏନେଇ ତୁମେ ଫାଇନ ଦେବ କି? ଉତ୍ତର ନିଶ୍ଚିତ ନା ହେଇପାରେ। କିନ୍ତୁ ଗୋଟିଏ ଡାକ୍ତରଖାନାରେ ଏପରି ଘଟିଥିବା ଦେଖାଯାଇଛି। ଜଣେ ରୋଗୀ ଅସ୍ତ୍ରୋପଚାର ପାଇଁ ଡାକ୍ତରଖାନା ଆସିଥିଲେ। ଅସ୍ତ୍ରୋପଚାର ସମୟରେ ଭାବପ୍ରବଣ ହୋଇ କାନ୍ଦି ପକେଇଥିଲେ। ଯେତେବେଳେ ଡାକ୍ତରଖାନା ତରଫରୁ ତାଙ୍କୁ ବିଲ୍ ଦିଆଯାଇଥିଲା ସେଥିରେ ଭାବପ୍ରବଣତା ପ୍ରକାଶ କରିବା ନେଇ ଚାର୍ଜ ମଧ୍ୟ ପକାଯାଇଥିଲା। ଯେତେବେଳେ ସମସ୍ତେ ଏହି ବିଲ୍ ଦେଖିଥିଲେ ସେମାନେ ଆଶ୍ଚର୍ଯ୍ୟ ହୋଇଯାଇଥିଲେ।

ଏମିତିରେ ଡାକ୍ତରଖାନା ଯିବାକୁ କେହି ପସନ୍ଦ କରନ୍ତି ନାହିଁ। କିନ୍ତୁ ଯେତେବେଳେ ଜଣେ ରୋଗୀ ଚିକିତ୍ସା ପାଇଁ ଯାଏ ସେତେବେଳେ ସେ ତା’ ମନରେ ଅନେକ ପ୍ରକାର ଭାବପ୍ରବଣତା ଦେଖାଦେଇଥାଏ। ଏହିଭଳି ଏକ ଖବର ସାମ୍ନାକୁ ଆସିଥିଲା ​​ଯେତେବେଳେ ଜଣେ ମହିଳା ଅସ୍ତ୍ରୋପଚାର ପାଇଁ ଡାକ୍ତରଖାନା ଯାଇଥିଲେ। ଅସ୍ତ୍ରୋପଚାର ସମୟରେ କାନ୍ଦିବାରୁ ତାଙ୍କଠାରୁ ଟଙ୍କା ନିଆଯାଇଥିବା ଆମେରିକାର ଜଣେ ମହିଳା କହିଛନ୍ତି। ମହିଳା ଜଣକ ଟ୍ୱିଟରରେ ନିଜର ଆଶ୍ଚର୍ଯ୍ୟଜନକ ଅନୁଭୂତି ବାଣ୍ଟିଥିଲେ, ଯାହା ସୋସିଆଲ ମିଡିଆରେ ଚର୍ଚ୍ଚାର ବିଷୟ ହୋଇଛି।

ଏହି ଘଟଣା ପରେ, ସୋସିଆଲ୍ ମିଡିଆ ଉପଭୋକ୍ତାମାନେ ଆମେରିକାର ସ୍ୱାସ୍ଥ୍ୟସେବା ବ୍ୟବସ୍ଥାର ଜଟିଳତା ଏବଂ ପ୍ରକ୍ରିୟା ଉପରେ ଗମ୍ଭୀର ପ୍ରଶ୍ନ ଉଠାଇଛନ୍ତି। ଆମେରିକୀୟ ଡାକ୍ତରଖାନାଗୁଡ଼ିକରେ ଅନ୍ୟାୟ ଉପାୟରେ ଅର୍ଥ ଆଦାୟ କରାଯାଉଥିବାରୁ ଅନେକ ସମାଲୋଚନା କରାଯାଇଛି। ମିଜ୍ ନାମକ ଜଣେ ମହିଳା ତାଙ୍କ ଟ୍ୱିଟର୍‌ ହ୍ୟାଣ୍ଡେଲ୍‌ @mxmclain କୁ ନେଇ ମୋଲ ଅପସାରଣ ପ୍ରକ୍ରିୟା ପରେ ହସ୍ପିଟାଲରୁ ମିଳିଥିବା ବିଲର ଏକ ଫଟୋ ସେୟାର କରିଛନ୍ତି। ଏହା ଅତ୍ୟନ୍ତ ଆଶ୍ଚର୍ଯ୍ୟଜନକ ଯେ ଏହି ବିଲ୍‌ରେ ସମସ୍ତ ସୁବିଧା ଉପଲବ୍ଧ ପାଇଁ ଚାର୍ଜ କରାଯାଇଥିବା ବେଳେ ସେଥିରେ 'ବ୍ରିଫ୍ ଇମୋସନ୍'ର ଏକ ବିବରଣୀ ଥିଲା। ଏଥିପାଇଁ ୧୧ ଆମେରିକୀୟ ଡଲାର (୮୦୦ରୁ ଅଧିକ) ଶୁଳ୍କ ଆଦାୟ କରାଯାଇଥିଲା।

ଏହି ଅତିରିକ୍ତ ଦେୟ ଦେଖି ମହିଳା ଜଣକ ଆଶ୍ଚର୍ଯ୍ୟ ହୋଇଯାଇଥିଲେ ଏବଂ ଆମେରିକାର ସ୍ୱାସ୍ଥ୍ୟ ସେବା ବିଷୟରେ ଲୋକଙ୍କୁ ସଚେତନ କରାଇବା ପାଇଁ ଏହାକୁ ସୋସିଆଲ ମିଡିଆରେ ସେୟାର କରିବାକୁ ନିଷ୍ପତ୍ତି ନେଇଥିଲେ। ଏହି ଟୁଇଟ୍ ୧୯୨K ଲାଇକ୍ ଏବଂ ୧୫.୨K ରିଟ୍ୱିଟ୍‌ ହୋଇସାରିଛି। ଲୋକମାନେ ଏହା ଉପରେ ନିଜ ନିଜ ଢଙ୍ଗରେ ପ୍ରତିକ୍ରିୟା କରୁଛନ୍ତି। କେହି କେହି ମଜାଳିଆ ଉତ୍ତର ମଧ୍ୟ ଦେଉଥିବା ଦେଖାଯାଏ।

Other Stories