/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626676223.jpg )
/odishatv-khabar/media/post_attachments/uploadimage/library/16_9/16_9_0/Bigg_Boss_1629700098.jpg)
Bigg Boss
ମୁମ୍ବାଇ : ବିଗ୍ ବସ୍ ଓଟିଟିର ୧୪ତମ ଦିନ ଖୁବ ମନୋରଞ୍ଜନ ଥିବା ଦେଖାଯାଇଥିଲା। ଶୋ’ର ଏହା ଦ୍ୱିତୀୟ ରବିବାର ଥିଲା। ଏହି ସପ୍ତାହରେ ଦୁଇ ଜଣଙ୍କୁ ଶୋ’ରୁ ବାହାର କରାଯାଇଛି। ତେବେ ଦୁଃଖର କଥା ଏହା ଯେ ଭୋଟ୍ ଅଭାବରୁ ରିଦ୍ଧିମା ପଣ୍ଡିତ ଏବଂ କରଣ ନାଥଙ୍କୁ ବେଘର ହେବାକୁ ପଡିଛି। ଅନ୍ୟପକ୍ଷରେ ଯୁବପିଢିଙ୍କ ମନରେ ନିଆଁ ଲଗାଇବା ତଥା ଶୋ’କୁ ବେଶି ମନୋରଞ୍ଜନ କରିବାକୁ ଘରେ ରାଖୀ ସାୱନ୍ତଙ୍କ ଏଣ୍ଟ୍ରି ହୋଇଛି। ଏହା ସହିତ ବିଗ୍ ବସ୍ ୧୧ର ବିଜେତା ହିନା ଖାନ୍ ମଧ୍ୟ ଶୋ’ରେ ଏକ ଜବରଦସ୍ତ ଏଣ୍ଟ୍ରି ନେଇଛନ୍ତି ଏବଂ ପରିବାର ସଦସ୍ୟଙ୍କ ସହ କଥାବାର୍ତ୍ତା ହୋଇଛନ୍ତି।
ଏପିଶୋଡର ଆରମ୍ଭ ଶୋ’ର ହୋଷ୍ଟ୍ କରଣ ଜୋହରଙ୍କ ଠାରୁ ଆରମ୍ଭ ହୋଇଛି। ବିଗ୍ ବସ୍ ପରିବାରବର୍ଗଙ୍କୁ ପାରସ୍ପରିକ ସହମତିରେ ଯେକୌଣସି ଦୁଇ ଯୋଡିଙ୍କ ନାମ ନେବାକୁ କୁହନ୍ତି, ଯେଉଁମାନଙ୍କୁ ଦୁଇ ସପ୍ତାହ ଯାତ୍ରା ଆଧାରରେ ଦଣ୍ଡ ଦିଆଯିବ। ପରିବାର ସଦସ୍ୟଙ୍କ ଭୋଟ୍ ଆଧାରରେ ରାକେଶ ବାପତ୍-ଶମିତା ଶେଟ୍ଟୀ ଏବଂ ଅକ୍ଷରା ସିଂ-ପ୍ରତୀକ ସାହାଜପାଲଙ୍କୁ ଦଣ୍ଡ ପାଇଁ ଯୋଗ୍ୟ ବୋଲି ମନୋନୀତ କରାଯାଇଛି। ଏହା ପରେ ଉଭୟ ଯୋଡିଙ୍କୁ ଚକି ପେଶିବା ନେଇ ଦଣ୍ଡ ଦିଆଯାଇଛି।
Also Read
ଏହି ସମୟରେ କୌଣସି କାରଣରୁ ଶମିତା ସହ ନିଶାନ୍ତ ଭଟ୍ଟଙ୍କ ଜମେଇକି ଯୁକ୍ତିତର୍କ ଆରମ୍ଭ ହୋଇଯାଏ। ପରେ ଶମିତା ନିଶାନ୍ତଙ୍କ ମଧ୍ୟରେ ଝଗଡା ବଢିବାକୁ ଲାଗେ। ଏହା ପରେ ଘରର ଅବଶିଷ୍ଟ ସଦସ୍ୟ ଉଭୟଙ୍କ ମଧ୍ୟରେ ଚାଲିଥିବା ଝଗଡାକୁ ରୋକିବା ନେଇ ଚେଷ୍ଟା କରନ୍ତି। ଏହା ପରେ ନିଶାନ୍ତ ଭଟ୍ଟଙ୍କ ସାଥୀ ମୋଜ ଜଟ୍ଟାନା ସେମାନଙ୍କ ଝଗଡାକୁ ରୋକିବା ନେଇ ଚେଷ୍ଟା କରନ୍ତି। କିନ୍ତୁ ପରିସ୍ଥିତି ଭିନ୍ନ ମୋଡ ନେବାକୁ ଆରମ୍ଭ କରେ। ଶମିତା ମଧ୍ୟ ମୋଜଙ୍କ ସହ ଝଗଡା କରିବା ଆରମ୍ଭ କରିଦିଅନ୍ତି।
ଶମିତା କହିଛନ୍ତି ଯେ ତାଙ୍କୁ ଲାଗୁଛି ସେ ସତେଯେପରି ଏକ ନାଳିରେ ରହୁଛନ୍ତି। ଶମିତା କାନ୍ଦି କାନ୍ଦି ତାଙ୍କ ଘରକୁ ଯିବାକୁ କହୁଛନ୍ତି। ସେ ଆହୁରି କହିଛନ୍ତି ଯେ ବର୍ତ୍ତମାନ ସେ ବହୁତ କଠିନ ସମୟ ଦେଇ ଗତି କରୁଥିଲେ ମଧ୍ୟ ସେ ଖୁବ ଭଲ ବୋଲି ଅଛନ୍ତି ବୋଲି ପରିବାରକୁ ପ୍ରମାଣ କରିବାକୁ ଚେଷ୍ଟା କରି ମୂର୍ଖଙ୍କ ପରି ଶୋ’କୁ ଆସିଛନ୍ତି।
ଶମିତା ଶେଟ୍ଟୀଙ୍କୁ ଏଞ୍ଜାଇଟି ଆଟାକ୍ ମଧ୍ୟ ହୁଏ। ଏହା ପରେ ବିଗ୍ ବସ୍ ଶମିତା ଶେଟ୍ଟୀଙ୍କୁ ମେଡିକାଲ୍ ରୁମ୍କୁ ଆସିବାକୁ କୁହନ୍ତି। ଯେତେବେଳେ କରଣ ପରିବାର ସଦସ୍ୟଙ୍କୁ ଭେଟନ୍ତି, ସେତେବେଳେ ସେ ଶମିତାଙ୍କୁ ତାଙ୍କ ଭଉଣୀ ଏବଂ ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ଏକ ଭିଡିଓ ବାର୍ତ୍ତା ଦେଖାନ୍ତି। ଏହା ଦେଖିବା ପରେ ଶମିତା ବହୁତ ଭାବପ୍ରବଣ ହୋଇଯାଉଥିବା ଦେଖାଯାଏ।
/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)