LIVE TV
ମୁମ୍ବାଇ: 'ବିଗ୍ ବସ୍ ଓଟିଟି' ଆଜି ରାତି ୮ ଟାରୁ ଭୁଟ୍ ଆପ୍ରେ ପ୍ରଦର୍ଶିତ ହେବ। ଆଜି ସକାଳୁ ସୋସିଆଲ ମିଡିଆରେ ଏହାକୁ ନେଇ ଗୁଜବ ସୃଷ୍ଟି ହୋଇଛି। ପ୍ରଶଂସକଙ୍କ ଖୁସିର ଜୁଆର ବୋଲ ମାନୁନି। କରଣ ଜୋହର ଏହି ଶୋ’ର ହୋଷ୍ଟ କରୁଛନ୍ତି। ସେ ଶୋ’ର ପ୍ରୋମୋରେ କହିଥିଲେ ଯେ ଏଥର ବିଗ୍ ବସ୍ରେ ହଟ୍ନେସ୍ର ତଡକା ଲାଗିବଏବଂ ଆମେ ଏହାର ପ୍ରଥମ ଝଲକ ମଧ୍ୟ ପାଇଛୁ। ବିଗ୍ ବସ୍ର ପ୍ରିମିୟମ୍ ରାତିରେ ପରମସୁନ୍ଦରୀ ମଲାଇକା ଅରୋରା ତାଙ୍କ ଡ୍ୟାନ୍ସ ଦ୍ୱାରା ଶୋ’ରେ ଗ୍ଲାମର ତଡକା ଲଗେଇବାର ନଜର ଆସିବେ।
Also Read
ଆଜି ରାତି ୮ଟାରୁ ଆରମ୍ଭ ହେବାକୁଥିବା 'ବିଗ୍ ବସ୍ ଓଟିଟି' ରେ ମଲାଇକା ଅରୋରା ତାଙ୍କ ଚମତ୍କାର ପ୍ରଦର୍ଶନ ଦ୍ୱାରା ସେଟ୍ର ତାପମାତ୍ରା ବଢେବା ନେଇ ନଜର ଆସିବେ। ଆଜି ରାତିରେ ସେ ‘ପରମ ସୁନ୍ଦରୀ’ ଗୀତରେ ନାଚୁଥିବା ନଜର ଆସିବେ। ଏହି ସମୟରେ, ମଲାଇକା ବହୁତ ହଟ୍ ଓ ସୁନ୍ଦର ଦେଖାଯାଉଛନ୍ତି। ମଲାଇକା ଏକ ଧଳା ରଙ୍ଗର ଶାଢୀ ଏବଂ ବ୍ୟାକ୍ଲେସ୍ ବ୍ଲାଉଜ୍ରେ ହଇଚଇ ସୃଷ୍ଟି କରୁଛନ୍ତି। ତାଙ୍କ ଅଙ୍ଗଭଙ୍ଗୀ ଦେଖି ସମସ୍ତେ ବିମୋହିତ ହୋଇଯାଉଛନ୍ତି। ଶୋ’ର ଆରମ୍ଭରେ ମଲାଇକା ନିଷ୍ପତ୍ତି ନେଇଥିଲେ ଯେ ଏଥର ଶୋ’ରେ ବହୁତ ଗ୍ଲାମର ଦେଖିବାକୁ ମିଳିବ।
ପ୍ରକାଶଥାଉ ଯେ, କିଛି ସମୟ ପୂର୍ବରୁ କରଣ ଜୋହର ଏକ ଭିଡିଓ (ବିଗ୍ ବସ୍ ଭିଡିଓ) ସେୟାର କରିଛନ୍ତି, ଯେଉଁଥିରେ ସେ ଘରର ପ୍ରତ୍ୟେକ କୋଣ ଦେଖାଉଛନ୍ତି। ଭିଡିଓରେ, ଆପଣ ଦେଖିପାରିବେ ଯେ କରଣ ଜୋହର ତାଙ୍କର ସବୁବେଳର ପ୍ରିୟ ଗୀତ 'କଭି ଖୁସୀ କଭି ଗମ୍'ର ଟାଇଟଲ୍ ଟ୍ରାକ୍ ସହିତ ଘରେ ପ୍ରବେଶ କରୁଥିବା ଦେଖିବାକୁ ମିଳିଛି। ଭିଡିଓରେ ହୋଷ୍ଟ୍ କହିଛନ୍ତି ଯେ, ଏହି ଘରର ନିୟମ ବେଳେବେଳେ ସୁଖ, ବେଳେବେଳେ ଦୁଃଖ, ମୁଁ ଆସିଛି, କରଣ, ମୁ ଆଉ ତୁମେ ମିଶି ମଜା କରିବୁ।
ଏହା ପୂର୍ବରୁ ବିଗ୍ ବସ୍ ଓଟିଟିର ଅନେକ ଭିଡିଓ ସୋସିଆଲ ମିଡିଆରେ ଦେଖିବାକୁ ମିଳିଛି। କିନ୍ତୁ ଏଥର ବିଗ୍ ବସ୍ଙ୍କ ଘର ଦେଖିବାକୁ ପ୍ରଶଂସକମାନେ ଉତ୍ସାହିତ ଅଛନ୍ତି। ନିକଟରେ ରିଲିଜ୍ ହୋଇଥିବା ଏହି ଭିଡିଓରେ କରଣ ଘରର ପ୍ରତ୍ୟେକ କୋଣ ଦେଖାଇଛନ୍ତି। ଏଥର ନୂଆ ଘରର ଡିଜାଇନ୍ ବହୁତ ସୁନ୍ଦର ଦେଖାଯାଉଛି ଏବଂ ଏଥର ବସିବା ବ୍ୟବସ୍ଥା ଏବଂ ଆସବାବପତ୍ର ମଧ୍ୟ ବହୁତ ଚମତ୍କାର ଦେଖାଯାଉଛି। ରୋଷେଇ ଘର, ଭୋଜନ କ୍ଷେତ୍ର, ଘରର ଉଦ୍ୟାନ କ୍ଷେତ୍ର, ସବୁକିଛି ବହୁତ କଲର୍ଫୁଲ୍ ଦେଖାଯାଉଛି।
