ଷଷ୍ଠ ଶ୍ରେଣୀର ଛାତ୍ରୀ ଆରମ୍ଭ କଲେ ମୋହଲ୍ଲା ଲାଇବ୍ରେରୀ

ଔରାଙ୍ଗାବାଦ: ମହାରାଷ୍ଟ୍ର ଔରାଙ୍ଗାବାଦରେ ଏବେ ଛୋଟ ଛୋଟ ପିଲାଙ୍କ ପାଇଁ ଖୋଲାଯାଇଛି ମୋହଲ୍ଲା ଲାଇବ୍ରେରୀ । ବସ୍ତି ଅଞ୍ଚଳରେ ବିଭିନ୍ନ ସ୍ଥାନରେ ଏସବୁ ଲାଇବ୍ରେରୀ ଖୋଲାଯାଇଛି । ବଡ କଥା ହେଉଛି ଏଭଳି ଲାଇବ୍ରେରୀ ସ୍ଥାପନ କରିଛନ୍ତି ଜଣେ ଷଷ୍ଠ ଶ୍ରେଣୀ ଛାତ୍ରୀ । ମୀର୍ଜା ମରିୟମ ନାମକ ଏହି ଛାତ୍ରୀ ଲକ୍‌ଡାଉନ୍‌ରେ ପିଲାଙ୍କୁ ପଢ଼ା ପ୍ରତି ଆକୃଷ୍ଟ କରିବା ଉଦ୍ଦେଶ୍ୟରେ ଏଭଳି ଅଭିନବ ପାଠାଗାର ଖୋଲିଛନ୍ତି ।

Also Read

କାହାକୁ ମିଳିବ ମନ୍ତ୍ରୀ ପଦ? ଏବେଠୁ ଜୋର ଧରିଲାଣି ଚର୍ଚ୍ଚା

କାଲି ସନ୍ଧ୍ୟାରେ ନିଜ କ୍ୟାବିନେଟ୍‌ ସଂପ୍ରସାରଣ କରିବେ ପ୍ରଧାନମନ୍ତ୍ରୀ

“କେନ୍ଦ୍ରରେ ଆମକୁ ୪ଟି ଗୁରୁତ୍ୱପୂର୍ଣ୍ଣ ମନ୍ତ୍ରଣାଳୟ ପ୍ରଧାନମନ୍ତ୍ରୀ ଦେବା କଥା”

ଏହି ଲାଇବ୍ରେରୀକୁ ସେ ଅବଦୁଲ କାଲାମ ପାଠାଗାରରେ ନାମିତ କରିଛନ୍ତି । ସହରରେ ଥିବା ୧୧ଟି ଅଞ୍ଚଳରେ ସ୍ଥାନୀୟ ଲୋକଙ୍କ ସହାୟତାରେ ସେ ଏଭଳି ପାଠାଗାର ସ୍ଥାପନ କରିପାରିଛନ୍ତି । ବହୁ ଲୋକ ଏଥିରେ ପୁସ୍ତକ ଦାନ କରି ସହୟତାର ହାତ ବଢାଇଛନ୍ତି । ଏସବୁ ଲାଇବ୍ରେରୀରେ ଛୋଟ ଛୋଟ ପିଲାଙ୍କ ଭିଡ ଜମୁଛି । ଅଭିଭାବକ ମଧ୍ୟ ଏଭଳି ଜଣେ ଷଷ୍ଠ ଶ୍ରେଣୀର ଛାତ୍ରୀର ଉଦ୍ୟମକୁ ପ୍ରସଂଶା କରିଛନ୍ତି । ଖାଲି ସେତିକି ନୁହେଁ ସ୍ଥାନୀୟ ଅଞ୍ଚଳର ବୁଦ୍ଧିଜୀବୀ ଓ ଶିକ୍ଷାବିତ୍‌ ମଧ୍ୟ ଛାତ୍ରୀଙ୍କ ଏଭଳି ପ୍ରାୟସକୁ ସ୍ୱାଗତ କରିଛନ୍ତି । ଏଭଳି ଲାଇବ୍ରାରୀକୁ ସମସ୍ତେ ସହଯୋଗ କରିବାକୁ ଆହ୍ୱାନ ଦେଇଛନ୍ତି । ଏହାଦ୍ୱାରା ପିଲାମାନଙ୍କର ପାଠ ପଢ଼ା ପ୍ରତି ଆଗ୍ରହ ସୃଷ୍ଟି ହେବାର ସମ୍ଭାବନା ରହିଛି ।