ତୁଳସୀର ଆଶ୍ଚର୍ଯ୍ୟ ମାହାତ୍ମ୍ୟ ବିଷୟରେ ୮ଟି କଥା

୧. ତୁଳସୀଙ୍କୁ ବିଷ୍ଣୁପ୍ରିୟା କହନ୍ତି। ହିନ୍ଦୁମାନଙ୍କର ପ୍ରତ୍ୟେକ ଶୁଭ କାର୍ଯ୍ୟରେ ତୁଳସୀ ପତ୍ରକୁ ଭଗବାନଙ୍କର ପ୍ରସାଦ ରୂପେ ବ୍ୟବହାର କରାଯାଏ।

୨. ଯେଉଁଠି ତୁଳସୀ ଗଛ ଅଧିକ ମାତ୍ରାରେ ଥାଏ, ସେଠାକାର ବାତାବରଣ ଶୁଦ୍ଧ ଏବଂ ପବିତ୍ର ରହେ। ତୁଳସୀ ପତ୍ରରୁ ପ୍ରସ୍ତୁତ ତୈଳ, କୀଟାଣୁ ନାଶ କରି ବାତାବରଣକୁ ଶୁଦ୍ଧ କରେ।

୩. ତୁଳସୀ ଗଛ ମୂଳେ ବସି ପ୍ରାୟାଣାମ କଲେ କୀଟାଣୁ ନାଶ ହୋଇ ଶରୀରରେ ବଳ, ବୁଦ୍ଧି ଏବଂ ଓଜ ବୃଦ୍ଧି ହୁଏ।

୪. ସକାଳୁ ଖାଲି ପେଟରେ ଏହାର ପତ୍ର ଓ ଜଳ ସେବନ କଲେ ବଳ, ତେଜ ଏବଂ ସ୍ମରଣଶକ୍ତି ବୃଦ୍ଧି ହୁଏ।

୫. ତୁଳସୀ ପତ୍ର ରସରେ ଏକ ବିଶେଷ ପ୍ରକାରର କ୍ଷାର ଥାଏ। ଯାହା ପାଟିରୁ ଦୁର୍ଗନ୍ଧ ବାହାରେ, ସେ ପ୍ରତ୍ୟହ ଅଳ୍ପ ତୁଳସୀ ପତ୍ର ଚୋବାଇଲେ ମୁଖ ଦୁର୍ଗନ୍ଧ ଦୂର ହୋଇଥାଏ।

୬. ଭୋଜନ ପରେ ଅଳ୍ପ ତୁଳସୀ ପତ୍ର ଚୋବାଇଲେ ସ୍ୱାସ୍ଥ୍ୟ ବୃଦ୍ଧି ହୋଇଥାଏ, ମନ, ବାଣୀ ବଶରେ ରହେ। ତୁଳସୀର ସ୍ପର୍ଶ ଏବଂ ଦର୍ଶନ ମଧ୍ୟ ଲାଭଦାୟକ।

୭. ଭଗବାନ ବିଷ୍ଣୁଙ୍କର ତିନୋଟି ଜିନିଷ ଅତି ପ୍ରିୟ- ଭଗବାନ ଶଙ୍କର, ତୁଳସୀ ଏବଂ ଅଁଳା। ଏହାର ସର୍ବାଧିକ ଗୁଣବତ୍ତା କାରଣରୁ ଆମ ଦେଶରେ ଏହାକୁ ପୂଜା ବି କରାଯାଏ।

୮. ତୁଳସୀ ଆମ ଶରୀରରେ ବିଦ୍ୟୁତର ସମତା ରକ୍ଷା କରେ। ତୁଳସୀ ମାଳା ଧାରଣ କରୁଥିବା ବ୍ୟକ୍ତିକୁ ଅନେକ ରୋଗରୁ ମୁକ୍ତି ମିଳେ। ତୁଳସୀ ପତ୍ର ଏକ ଉତ୍କୃଷ୍ଟ ରସାୟନ। ଏହା ଗରମ ଏବଂ ତ୍ରିଦୋଷ ନାଶକ।

୯. ଏହା ରକ୍ତ ବିକାର, ଜ୍ଵର, ବାୟୁ, କାଶ, କୃମି ନାଶକ ଏବଂ ହାଡ଼ ରୋଗ ଇତ୍ୟାଦି ଦୂର ହୁଏ। ତୁଳସୀର ମୂଳ ଓ ପତ୍ର ଜ୍ଵର ପାଇଁ ବିଶେଷ ଉପଯୋଗୀ। ବୀର୍ଯ୍ୟଦୋଷ ନିରାକରଣ ପାଇଁ ଏହାର ବୀଜ ଅତି ଉତ୍ତମ।

୧୦. ତୁଳସୀ ପତ୍ରର ଚାହା ପିଇଲେ ଜ୍ଵର, ଆଳସ୍ୟ, କ୍ଳାନ୍ତି ତଥା ବାତ-ପିତ୍ତ ବିକାର ଦୂର ହୁଏ, ଭୋକ ବଢେ। ତୁଳସୀ ପତ୍ର, ପାନ ମଧୁରୀ, ଗୁଜୁରାତି, ପୁଦିନା, ଶୁଣ୍ଠି, ଗୋଲମରିଚ, ଡାଲଚିନି, ବ୍ରାହ୍ମୀ ଆଦିର ମିଶ୍ରଣରେ ତୁଳସୀ ଚାହା କରାଯାଏ।