ବିବାହ ପରେ, ପ୍ରାୟ ସମସ୍ତେ ସେମାନଙ୍କ ଜୀବନର ହସଖୁସି, ମଜାମସ୍ତି ଭୁଲିଯାଆନ୍ତି। ଏପରି ପରିସ୍ଥିତିରେ, ଲୋକମାନେ ପ୍ରାୟତଃ ନିଜର ବ୍ୟାଚ୍‌ଲର୍ ଜୀବନକୁ ଝୁରି ହୁଅନ୍ତି।

ଫଳରେ କଥା କଥାରେ ଅନୁତାପ କରିବା, ଅଭିଯୋଗ କରିବା, ପରସ୍ପରଙ୍କ ଉପରେ ଦୋଷ ଲଦିବା, ଖୁସି ନ ରହିବା କାରଣରୁ ଅନ୍ୟକୁ ଦାୟୀ କରିବା ଭଳି ପରିସ୍ଥିତି ଦେଖାଯାଏ।

ତେବେ ବିବାହ ପରେ ମଧ୍ୟ ଜଣେ ଚାହିଁଲେ ନିଜ ଜୀବନକୁ ସୁଖଶାନ୍ତି, ମଜାମସ୍ତି ଜୀଇପାରିବେ। ଏମିତି କିଛି ଉପାୟ ଅଛି ଯାହାକୁ ଅନୁସରଣ କଲେ ଆପଣ ଖୁସିରେ ରହିବେ।

ଆପଣଙ୍କର ବ୍ୟକ୍ତିଗତ ସ୍ପେସ୍‌କୁ ବଜାୟ ରଖନ୍ତୁ କିନ୍ତୁ ପରସ୍ପରକୁ ସମୟ ମଧ୍ୟ ଦିଅନ୍ତୁ। ପରସ୍ପରଙ୍କ ସଉକ୍ ଏବଂ ଆଗ୍ରହକୁ ବୁଝନ୍ତୁ ଏବଂ ସେଗୁଡିକ ପୂରଣ କରନ୍ତୁ।

ଏକାଠି ବୁଲିବା, ରାନ୍ଧିବା କିମ୍ବା ଖେଳ ଖେଳିବା ଭଳି ନୂଆ ନୂଆ ହବି ବନାନ୍ତୁ। ଏହା ଆପଣଙ୍କ ସମ୍ପର୍କରେ ନୂତନତା ଆଣିବ।

ଆପଣଙ୍କର ସାଙ୍ଗ ଏବଂ ପରିବାର ସହିତ ଯୋଗାଯୋଗରେ ରୁହନ୍ତୁ ଏବଂ ବେଳେବେଳେ ସେମାନଙ୍କ ସହିତ ସମୟ ମଧ୍ୟ ବିତାନ୍ତୁ।

ଛୁଟିଦିନ କିମ୍ବା ୱିକେଣ୍ଡରେ ଗେଟ୍‌ୱେ ଯୋଜନା କରନ୍ତୁ। ଏକ ଛୋଟ ଯାତ୍ରା କିମ୍ବା ବାହାରକୁ ଯିବାର ବ୍ୟବସ୍ଥା କରନ୍ତୁ।

ପରସ୍ପରଙ୍କ ସହିତ ଖୋଲାଖୋଲି କଥାବାର୍ତ୍ତା କରନ୍ତୁ ଏବଂ ନିଜ ଭାବନାକୁ ଖୋଲାଖୋଲି ଭାବରେ ପ୍ରକାଶ କରନ୍ତୁ।

କାମ ଏବଂ ବ୍ୟକ୍ତିଗତ ଜୀବନ ମଧ୍ୟରେ ଏକ ସନ୍ତୁଳନ ସୃଷ୍ଟି କରିବାକୁ ଚେଷ୍ଟା କରନ୍ତୁ ଯାହା ଦ୍ୱାରା ଦୁହେଁ ପରସ୍ପର ପାଇଁ ଯଥେଷ୍ଟ ସମୟ ପାଇବେ।

ବ୍ୟକ୍ତିଗତ ସ୍ୱାସ୍ଥ୍ୟ ପ୍ରତି ଧ୍ୟାନ ଦେବା ନିହାତି ଜରୁରୀ। ଏହା ସମସ୍ତଙ୍କ ମାନସିକ-ଶାରୀରିକ ସ୍ୱାସ୍ଥ୍ୟ ପାଇଁ ଗୁରୁତ୍ୱପୂର୍ଣ୍ଣ।