ନକଲି ବନ୍ଧୁ ବା ଫେକ୍ ଫ୍ରେଣ୍ଡ୍ ସେହିମାନେ ହୋଇଥାନ୍ତି, ଯେଉଁମାନେ ଆପଣଙ୍କର ଯତ୍ନ ନେବାର ଦେଖେଇ ହୁଅନ୍ତି, କିନ୍ତୁ ପ୍ରକୃତରେ ସେମାନେ ଆପଣଙ୍କୁ ଧ୍ୟାନ ଦିଅନ୍ତି ନାହିଁ।
ଏହିପରି ବନ୍ଧୁମାନେ କେବଳ ଆପଣଙ୍କଠାରୁ କିଛି ଲାଭ ଉଠାଉଥିବେ। ତେବେ ସତ ଓ ମିଛ ବନ୍ଧୁ କିପରି ଜାଣିବେ ସେଥିପାଇଁ ଏହି ୬ଟି ଉପାୟ ଜାଣି ନିଅନ୍ତୁ।
ଠିକ ସମୟରେ ସମର୍ଥନ କରନ୍ତି ନାହିଁ: ଯେତେବେଳେ ଆପଣ ପ୍ରକୃତରେ ସାହାଯ୍ୟ ଆବଶ୍ୟକ କରନ୍ତି, ସେତେବେଳେ ନକଲି ବନ୍ଧୁମାନେ ସମର୍ଥନ, ସମବେଦନା କିମ୍ବା ବିଶ୍ୱସ୍ତତା ଦେଖାନ୍ତି ନାହିଁ।
ଆବଶ୍ୟକ ବେଳେ ଦେଖା ଦିଅନ୍ତି ନାହିଁ: ନକଲି ବନ୍ଧୁମାନେ ସେତେବେଳେ ପାଖରେ ମିଳନ୍ତି ଯେତେବେଳେ ସେମାନଙ୍କର କିଛି ଜିନିଷର ଆବଶ୍ୟକତା ପଡେ। କିନ୍ତୁ ଯେତେବେଳେ ଆପଣଙ୍କର କିଛି ଆବଶ୍ୟକ ପଡେ ସେମାନେ ଦେଖାଦିଅନ୍ତି ନାହିଁ।
ଏକପାଖିଆ ବ୍ୟବହାର: ନକଲି ବନ୍ଧୁମାନଙ୍କ ସହିତ ସମ୍ପର୍କ ସର୍ବଦା ଏକପାଖିଆ ମନେହୁଏ। ଯେତେବେଳେ ଆପଣ ନିଜ ସାଙ୍ଗମାନଙ୍କ ସହିତ କଥା ହେଉଥିବେ, ସେମାନେ କେବଳ ନିଜ ବିଷୟରେ କହୁଥିବେ।
ଅବିଶ୍ୱସନୀୟତା: ନକଲି ବନ୍ଧୁମାନେ ଅବିଶ୍ୱସନୀୟ ହୋଇପାରନ୍ତି। ସେମାନେ ଦେଇଥିବା ପ୍ରତିଶ୍ରୁତି ପାଳନ କରନ୍ତି ନାହିଁ। ଏପରି ପରିସ୍ଥିତିରେ, ସେମାନଙ୍କୁ କୌଣସି କ୍ଷେତ୍ରରେ ବି ବିଶ୍ୱାସ କରିବା କଷ୍ଟକର ହୋଇପାରେ।
ବିଶ୍ୱାସଘାତକତା: ନକଲି ବନ୍ଧୁମାନେ କେବେ ବି ବିଶ୍ୱସ୍ତ ହୋଇପାରିବେ ନାହିଁ। ସେମାନେ ଆପଣଙ୍କର ସମସ୍ତ ରହସ୍ୟ ଅନ୍ୟମାନଙ୍କ ସହିତ ମଧ୍ୟ ଶେୟାର କରିପାରନ୍ତି।
ଅସମ୍ମାନ: ଯେକୌଣସି ସମୟରେ, ଯେକୌଣସି ପରିସ୍ଥିତିରେ ନକଲି ବନ୍ଧୁମାନେ ଆପଣଙ୍କୁ ଅନ୍ୟମାନଙ୍କ ସାମ୍ନାରେ ମିଥ୍ୟାବାଦୀ ପ୍ରମାଣ କରି ଅସମ୍ମାନ କରିପାରନ୍ତି।
ଈର୍ଷା: ଏହିପରି ବନ୍ଧୁମାନେ ଆପଣଙ୍କ ସଫଳତା ଏବଂ ଉପଲବ୍ଧିକୁ ବିପଦ ବୋଲି ଅନୁଭବ କରନ୍ତି। ସେମାନେ ଆପଣଙ୍କ ଅଗ୍ରଗତି ପାଇଁ ଈର୍ଷା ଅନୁଭବ କରନ୍ତି। ଆପଣଙ୍କର ସଫଳତାର ମଜ୍ଜା ନେବା ପରିବର୍ତ୍ତେ, ସେମାନେ ଆପଣଙ୍କୁ ନିଚ୍ଚା କରିବାକୁ ଚେଷ୍ଟା କରନ୍ତି।