୧. ସଫଳ ଲୋକ ସବୁବେଳେ ସକାଳୁ ଉଠନ୍ତି ଓ ନିଜର ଦିନଚର୍ଯ୍ୟାର ଯୋଜନା କରନ୍ତି। ସେମାନେ ଅତ୍ୟଧିକ ଶୃଙ୍ଖଳିତ।
୨. ସେମାନେ ସକାଳୁ ଉଠି ଯୋଗ, ଧ୍ୟାନ ଓ ବ୍ୟାୟାମରେ କିଛି ସମୟ ନିଶ୍ଚୟ ଦିଅନ୍ତି। ସେମାନେ ଜାଣନ୍ତି ଅସୁସ୍ଥ ହେଲେ ଦୌଡ଼ରେ ପଛେଇ ଯିବେ।
୩. ସଫଳ ଲୋକ ସକାଳୁ ପୁଷ୍ଟିକର ଭୋଜନ କରିଥାନ୍ତି, ଯାହାକି ସେମାନଙ୍କୁ ପୁରା ଦିନ ତାଜା ରଖିବାରେ ସାହାଯ୍ୟ କରେ
୪. ସେମାନେ ଦୈନିକ ଡାଏରୀ ଲେଖିଥାନ୍ତି। ରାତିରେ ଦିନସାରାର ଅନୁଭୂତି ଓ ତା ପରଦିନ ପାଇଁ କାମ ବିଷୟରେ ଡାଏରୀରେ ଲେଖନ୍ତି।
୫. ସକାଳ ଜଳଖିଆ ଖାଇବା ପରେ ସେମାନେ ପ୍ରଥମେ ଡାଏରୀରେ ଲେଖିଥିବା ଦିନର କାମ ଦେଖନ୍ତି ଓ ନିଜକୁ ପ୍ରସ୍ତୁତ କରନ୍ତି।
୬. ସେମାନେ ବହୁତ ଟାର୍ଗେଟ ଓରିଏଣ୍ଟେଡ଼। କାମ ସାରିବାକୁ ଧାର୍ଯ୍ୟ ସମୟକୁ ଗୁରୁତ୍ବ ଦିଅନ୍ତି ଓ ସାରି ଦିଅନ୍ତି।
୭. ସକାଳର ପ୍ରଥମ ଘଣ୍ଟା ଏମାନେ ଫୋନ୍ ଛାଡ଼ି ପଢ଼ାପଢ଼ିରେ ବିତାନ୍ତି ଓ ଫୋନ୍ ଠାରୁ ଦୂରେଇ ରୁହନ୍ତି। କାରଣ ଫୋନ୍ ହିଁ ବିଚଳିତ ହେବାର କାରଣ।
୮. ସକରାତ୍ମକ ଚିନ୍ତାଧାରା ବଢ଼େଇବା ପାଇଁ ଏମାନେ ପୁସ୍ତକ ପଢ଼ନ୍ତି କିମ୍ବା ପ୍ରେରଣାଦାୟୀ କାହାଣୀ ଶୁଣିଥାନ୍ତି।