ଉପଯୁକ୍ତ ସ୍ଥାନ: ବାସ୍ତୁଶାସ୍ତ୍ର ଅନୁୟାୟୀ, ଘରର ଉତ୍ତର କିମ୍ବା ଉତ୍ତର-ପୂର୍ବ ଦିଗରେ ତୁଳସୀ ଗଛ ଲଗାଇବା ଉଚିତ ବା ସ୍ଥାନିତ କରିବା ଉଚିତ। ଏହା ଘରର ସମସ୍ତ ନକାରାତ୍ମକ ଶକ୍ତିକୁ ନଷ୍ଟ କରିଦିଏ।

ଉପଯୁକ୍ତ ଯତ୍ନ: ତୁଳସୀ ଗଛ ଲଗାଇଥିଲେ ଏହାର ଉପଯୁକ୍ତ ଯତ୍ନ ନିଆଯିବା ଉଚିତ। ଦୈନିକ ପାଣି ଦେବା ସହିତ ପୂଜା କରାଯିବା ଉଚିତ।

ସଫାସୁତରା: ତୁଳସୀ ଗଛ ଲଗାଇଥିବା ସ୍ଥାନର ଆଖପାଖକୁ ସଫା ରଖନ୍ତୁ। ଅଳିଆ ଆବର୍ଜନା ଯେପରି ନଜମେ ଦେଖିବା ସହିତ ଅନାବନା ଗଛକୁ ଉପାଡ଼ି ଜାଗାଟି ସଫା କରିଦିଅନ୍ତୁ।

ତଳେ ପୋତନ୍ତୁ ନାହିଁ: ତୁଳସୀ ଗଛକୁ ତଳେ କେବଳ ଭୂଇଁରେ ପୋତନ୍ତୁ ନାହିଁ। ଏହା ବାସ୍ତୁ ଅନୁଯାୟୀ ଠିକ୍ ନୁହେଁ। ବରଂ କୌଣସି ଏକ କୁଣ୍ଡରେ ଲଗାଇ ଟିକେ ଉଚ୍ଚ ସ୍ଥାନରେ ରଖନ୍ତୁ।

ସୂର୍ଯ୍ୟ କିରଣ: ତୁଳସୀ ଗଛଟି ଯେଉଁଠି ଲଗାଇଛନ୍ତି ସେଠିକୁ ଅଧିକ ଖରା ଓ ଆଲୁଅ ଆସିବା ଉଚିତ। ଛାଇ ତଳେ ଏହାକୁ ରଖନ୍ତୁ ନାହିଁ। ବାସ୍ତୁ କହୁଛି, ଏହାଦ୍ୱାରା ଗଛଟି ବଢ଼େ ନାହିଁ, ଆମର ବିକାଶ ମଧ୍ୟ ହୁଏନାହିଁ।

ଗଛର ସଂଖ୍ୟା: ଆପଣ କେତୋଟି ତୁଳସୀ ଗଛ ଲଗାଇ ପାରିବେ କିମ୍ବା ରଖିପାରିବେ ତାହା ମଧ୍ୟ ବାସ୍ତୁରେ ନିର୍ଦ୍ଦେଶ ରହିଛି। ବାସ୍ତୁ କହୁଛି, ଆପଣ ଅଧିକ ଗଛ ରଖିପାରିବେ, କିନ୍ତୁ ସଂଖ୍ୟାଟି ବିଯୋଡ଼ ହେବା ଉଚିତ।

ଉପଯୁକ୍ତ ସମୟ: ତୁଳସୀ ଗଛ ଘରକୁ ଆଣିବାର ଉପଯୁକ୍ତ ସମୟ ହେଉଛି, କାର୍ତ୍ତିକ ମାସର ଶୁକ୍ଳପକ୍ଷ। ନହେଲେ ଏହି ମାସର କୌଣସି ଗୁରୁବାର ହେଲେ ଚଳିବ।