ଶୀତ ଦିନେ କେମିତି ନେବେ ଶିଶୁର ଯତ୍ନ…ଆପଣଙ୍କ ପାଇଁ ୮ଟି ଟିପ୍ସ

୧- ନବଜାତ ଶିଶୁମାନଙ୍କୁ ସ୍ନାନ କରିବା ଜରୁରୀ। କିନ୍ତୁ ଶୀତଦିନରେ ପ୍ରତିଦିନ ସ୍ନାନ ନକରି ପ୍ରତି ଦୁଇ କିମ୍ବା ତିନି ଦିନରେ ସେମାନଙ୍କୁ ସ୍ନାନ କରିପାରିବେ।

୨- ସ୍ନାନ କରିବା ପରେ ନବଜାତ ଶିଶୁର ଶରୀରକୁ ମାଲିସ୍ କରିବା ସବୁଠାରୁ ଗୁରୁତ୍ୱପୂର୍ଣ୍ଣ। ଶରୀରକୁ ମସାଜ୍ କରିବା ପାଇଁ ଆପଣ ବାଦାମ, ନଡିଆ ତେଲ ଇତ୍ୟାଦି ବ୍ୟବହାର କରିପାରିବେ।

୩- ଶିଶୁର ଚର୍ମକୁ ମଶ୍ଚରାଇଜ୍ ରଖିବା ପାଇଁ ଦିନକୁ ଦୁଇଥର ମଶ୍ଚରାଇଜର ବ୍ୟବହାର କରନ୍ତୁ। ତେବେ ମଶ୍ଚରାଇଜର ବ୍ୟବହାର କରିବା ପୂର୍ବରୁ, ଡାକ୍ତରଙ୍କଠାରୁ ଅନୁମତି ନେବା ଜରୁରୀ।

୪- ଶୀତରୁ ରକ୍ଷା କରିବା ପାଇଁ ଶିଶୁକୁ ଗରମ ପୋଷାକ ପିନ୍ଧାଇବା ଉଚିତ। କାରଣ ପିଲାଟି କିଛି କହିପାରୁନଥିବାରୁ ଶୀତ ହେଲେ ସେ କାନ୍ଦିବା ଆରମ୍ଭ କରେ।

୫- ଅତ୍ୟଧିକ ଥଣ୍ଡା ଯୋଗୁ ପିଲା ଉପରେ ରେଜେଇ କିମ୍ବା କମ୍ବଳ ଲଦନ୍ତୁ ନାହିଁ। ପିଲାକୁ ଏପରି ଘୋଡ଼ାନ୍ତୁ ଯେପରି ସେ ସହଜରେ ଶ୍ୱାସ ନେଇ ପାରିବ।

୬- ପୂରା ନିବୁଜ କୋଠରୀରେ ପିଲାକୁ ଶୁଆନ୍ତୁ ନାହିଁ । ଏହା ଦ୍ୱାରା ପିଲାଟି ଅଣନିଶ୍ୱାସୀ ଅନୁଭବ କରିପାରେ। ଏଥିସହ ନିଦରୁ ଉଠିବା ପରେ ପିଲାଟି ଚିଡ଼ଚିଡ଼ା ହୋଇପାରେ।

୭- ଶୀତ ଦିନେ ନିହାତି ଆବଶ୍ୟକ ନଥିଲେ ପିଲାକୁ ବାହାରକୁ ନେଇ ବୁଲାବୁଲି କରନ୍ତୁନି। ବିଶେଷ କରି ଖୋଲାଗାଡ଼ିରେ ଯାତାୟତ କରୁଥିଲା ବେଳେ ଆବଶ୍ୟକ ଯତ୍ନ ନିଅନ୍ତୁ।

୮- ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି ଥଣ୍ଡା ଯୋଗୁ ପିଲାଟି ନିଶ୍ୱାସ ନେବା ବେଳେ ଘଡ଼ଘଡ଼ ଶବ୍ଦ ହେଲେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ।