ଆପଣଙ୍କ ଘରେ କାହାର ବ୍ଲଡ୍ ପ୍ରେସର୍ ରହିଛି କି ? ଏଭଳି ରୋଗ କାରଣରୁ ଅଧିକାଂଶ ଲୋକ ଛାତିରେ ଯନ୍ତ୍ରଣା, ଶରୀର ବିନ୍ଧା ଛିଟିକା ହେବା, ମୁଣ୍ତ ବିନ୍ଧା, ଦୃଷ୍ଟିଶକ୍ତିରେ ସମସ୍ୟା ଆଦିର ସମ୍ମୁଖୀନ ହୋଇଥାନ୍ତି। ଏହା ବ୍ୟତୀତ ହାର୍ଟ ଆଟାକ ହେବାର ଆଶଙ୍କା ମଧ୍ୟ ବଢି ଯାଇଥାଏ। ଆମେ ଆଜି ଉଚ୍ଚ ରକ୍ତଚାପ ପାଇଁ କିଛି ଟିପ୍ସ ଜାଣିବା, ଯାହାକୁ ପାଳନ କଲେ ରକ୍ତଚାପ ସବୁ ବେଳେ ନିୟନ୍ତ୍ରଣରେ ରହିବ।

ଜୀବନଶୈଳୀରେ ପରିବର୍ତ୍ତନ କରି ଆପଣ ଅନେକ ରୋଗରୁ ମୁକ୍ତି ପାଇପାରିବେ। ଅନେକ ସମୟରେ ଲକ୍ଷ୍ୟ କରାଯାଉଛି ଆପଣ ଯାହା ଖାଉଛନ୍ତି, ତାହା ଆପଣଙ୍କ ସ୍ୱାସ୍ଥ୍ୟ ପାଇଁ ଖରାପ ସାବ୍ୟସ୍ତ ହେଉଛି। କିନ୍ତୁ ଆମେ ଜାଣିନପାରି ଔଷଧ ସେବନ କରିବାକୁ ବାଧ୍ୟ ହେଉଛୁ। ଖରାପ ଖାଦ୍ୟ ଯୋଗୁଁ ପ୍ରତ୍ୟେକ ଘରେ ଏବେ ରୋଗ ବଢିବାରେ ଲାଗିଛି । ଯାହା ଘରେ ଦେଖିବେ କିଛି ନା କିଛି ରୋଗ ରହିଛି ।

ଆପଣଙ୍କ ଖାଦ୍ୟରେ ପାଳଙ୍ଗ ଶାଗ, ସବୁଜ ପନିପରିବା ଖାଆନ୍ତୁ । ଏଥିରେ କ୍ୟାଲସିୟମ୍, ପୋଟାସିୟମ୍, ମ୍ୟାଗ୍ନେସିୟମ୍ ଏବଂ ଆଣ୍ଟିଅକ୍ସିଡାଣ୍ଟ ପ୍ରଚୁର ପରିମାଣରେ ରହିଥାଏ । ଏପରି ପରିସ୍ଥିତିରେ ଆପଣ ଏହାକୁ ଖାଇବା ଦ୍ବାରା ବ୍ଲଡ୍ ପ୍ରେସର୍ ନିୟନ୍ତ୍ରଣରେ ରହିବା ସହ ଶରୀର ମଧ୍ୟ ସୁସ୍ଥ ରହିଥାଏ ।

କଦଳୀରେ ପୋଟାସିୟମ୍ ଭରପୂର ରହିଥାଏ । ରକ୍ତଚାପକୁ ନିୟନ୍ତ୍ରଣ କରିବାରେ ପୋଟାସିୟମ୍ ସାହାଯ୍ୟ କରେ । ଏପରି ପରିସ୍ଥିତିରେ, ବ୍ଲଡ୍ ପ୍ରେସର୍ ସମସ୍ୟାରୁ ଦୂରେଇ ରହିବାକୁ ଆପଣ ଦିନକୁ ଗୋଟିଏ କଦଳୀ ଖାଇପାରିବେ କିମ୍ବା ଆପଣ ଏଥିରୁ କିଛି ସୁସ୍ବାଦୁ ଖାଦ୍ୟ ମଧ୍ୟ ପ୍ରସ୍ତୁତ କରିପାରିବେ।

ବିଟ୍ରେ ଅଧିକ ପରିମାଣର ନାଇଟ୍ରିକ୍ ଅକ୍ସାଇଡ୍ ଥାଏ । ଏହା ରକ୍ତବାହୀ ଖୋଲିବା ଓ ରକ୍ତ ପ୍ରବାହରେ ଉନ୍ନତି ଆଣିବାରେ ସାହାଯ୍ୟ କରେ । ଯାହାଫଳରେ ରକ୍ତଚାପ ନିୟନ୍ତ୍ରଣ କରିଥାଏ । ଏପରି ପରିସ୍ଥିତିରେ ଆପଣ ବିଭିନ୍ନ ଉପାୟରେ ବିଟ୍ସ ନିଜ ଖାଦ୍ୟରେ ସାମିଲ କରିପାରିବେ।

ରସୁଣରେ ଆଣ୍ଟି-ବାୟୋଟିକ୍ ଓ ଆଣ୍ଟି-ଫଙ୍ଗସ୍ ରହିଥାଏ । ରସୁଣ ନାଇଟ୍ରିକ୍ ଅକ୍ସାଇଡ୍ ମଧ୍ୟ ବଢାଇଥାଏ । ଏହା ଆପଣଙ୍କ ମାଂସପେଶୀକୁ ଆରାମ ଦେଇଥାଏ । ଉତ୍ତମ ରକ୍ତ ପ୍ରବାହ ହେତୁ ବିପି ନିୟନ୍ତ୍ରଣରେ ରହିଥାଏ । ଆପଣ କଞ୍ଚା ରସୁଣ ମଧ୍ୟ ଖାଇପାରିବେ।

ରକ୍ତଚାପକୁ ନିୟନ୍ତ୍ରଣରେ ରଖିବାକୁ ଲବଙ୍ଗ ବହୁତ କାମରେ ଆସିଥାଏ। ଏହାକୁ ନିୟମିତ ସେବନ କଲେ ରକ୍ତଚାପ ନିୟନ୍ତ୍ରଣରେ ରହେ। ଆପଣ ପ୍ରତ୍ୟହ ଖାଇସାରିବା ପରେ ଗୋଟିଏ ଲବଙ୍ଗ ଖାଇପାରିବେ।