ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ, ହ୍ୱାଇଟ୍ ବ୍ରେଡ୍ ନିମ୍ନ ମାନର କାର୍ବସ୍ ସହିତ ପ୍ରକ୍ରିୟାକରଣ କରାଯାଏ, ଯାହା ରକ୍ତରେ ଶର୍କରା ବୃଦ୍ଧି କରେ। ସକାଳେ ହ୍ୱାଇଟ୍ ବ୍ରେଡ୍ ଖାଇବା ଦ୍ୱାରା ମୋଟାପଣ, ହୃଦ୍ରୋଗ ଏବଂ ମଧୁମେହ ହେବାର ଆଶଙ୍କା ରହିଛି।

ମିଠା ଶସ୍ୟରେ କାର୍ବୋହାଇଡ୍ରେଟ୍ ଭରପୂର ଥାଏ, ଯାହା କୋଲେଷ୍ଟ୍ରଲ୍ ସ୍ତରକୁ ବଢାଇଦିଏ। ଏହା ଦ୍ୱାରା ଟାଇପ୍-୨ ମଧୁମେହ ଏବଂ ହୃଦ୍ରୋଗ ହେବାର ଆଶଙ୍କା ରହିଛି। ତେଣୁ ଏହାକୁ ସକାଳେ ଖାଇବା ଉଚିତ୍ ନୁହେଁ।

ଫଳକୁ ଗ୍ରାଇଣ୍ଡ୍ କରି ରସ ତିଆରି କରିବା ସମୟରେ, ସେଥିରେ ଥିବା ଅନେକ ପୋଷକ ତତ୍ତ୍ୱ ନଷ୍ଟ ହୋଇଯାଏ। ଏଥିରେ ଶର୍କରା ବଢିଯାଏ। ସୁତରାଂ ଖାଲି ପେଟରେ ଫଳ ରସ ପିଇବା ଦ୍ୱାରା ଓଜନ ବଢ଼ିପାରେ।

ସକାଳେ ପ୍ରକ୍ରିୟାକୃତ ମାଂସ ଖାଇବା ଠାରୁ ଦୂରେଇ ରହିବା ଉଚିତ, କାରଣ ଜଳଖିଆରେ ପ୍ରକ୍ରିୟାକୃତ ମାଂସ ଖାଇବା ଦ୍ୱାରା ପେଟ ଏବଂ କଲୋରେକ୍ଟାଲ୍ କର୍କଟ ହେବାର ଆଶଙ୍କା ରହିଛି। ପ୍ରକ୍ରିୟାକୃତ ମାଂସ ହେତୁ ଉଚ୍ଚ ରକ୍ତଚାପ ଏବଂ ମଧୁମେହ ପରି ରୋଗ ମଧ୍ୟ ହୋଇପାରେ।

ଦହିରେ ଥିବା ପ୍ରାକୃତିକ ଶର୍କରା ସ୍ୱାସ୍ଥ୍ୟକର, କିନ୍ତୁ ବଜାରରେ ମିଳୁଥିବା ମିଠା ଦହିରେ ଚିନି ମିଶା ଯାଇଥାଏ। ଜଳଖିଆ ପାଇଁ ମିଠା ଦହି ଖାଇବା ଠାରୁ ଦୂରେଇ ରହିବା ଉଚିତ, କାରଣ ଏହା ଓଜନ ବୃଦ୍ଧି, ଟାଇପ୍ ୨ ଡାଇବେଟିସ୍ ଓ କର୍କଟ ରୋଗର ଆଶଙ୍କାକୁ ବଢ଼ାଇପାରେ।